اللغز

لغز الاسبوع الماضي كان من طرح الشاعر/ساير فالح الحنيني من الخرج والذي يقول:
أنشدك عن عدة بنات لهن دور
تميزن في فنهن عن هل الفن
الياعطنك علم نور على نور
يكفي عن شهود الشريعه خبرهن
وقد وصل للقسم مايربو على ثلاثمائة حل ونقول للكثير منهم (مالكم لوا) واما الذين توصلوا للحل
سلام ياعادي عسى مانت معثور
وربع الخزامى وخص ساير بلا من
وحل اللغز جبناه والبال مسرور
بصمات اصابع يوم للحق جابن
سعود الرباح القويعي-حايل
حييت يا ساير مجمل ومشكور
محلى بنات الفكر لامن توافن
اللغز وافي مايجي فيه محذور
وحله البصمات كلٍ عرفهن
علي رشيد الرشيد - رياض الخبراء
لغزك نحله ياالحنيني على الفور
وحنا بميدان اللغز فننا فن
بصمات اصابع وانت باللغز دكتور
عبر الخزامى ينشر مابها ظن
احمد ناصر المحرج-الرياض
يامرحبا بك يالحنيني ومشكور
انا اشهد انك من هل العرف والفن
بصمت في عشرة وبهدي لك زهور
عشرة على عشرة ولغزك جمعهن
محمد ابو دحيم - البدائع
يامرحبابك ياالحنيني ومشكور
نقول بصامات الاصابع يقولن
للغز وارد صاخره صخر دكتور
له المعاني لابغاهن يطيعن
سعد صنهات السهلي -الدرعية
مشكور يا ساير وحلي بعد شور
بصْماْت في روس الاصابع شملهن
في علم تحقيق الهويّات مشهور
ما فيه ثنتين ٍ تماثل عملهن
مقرن بن متعب الهرف-الرياض
يا اللي طرحت اللغز مجمل ومشكور
ساعة قريت الحرف ليه تبين
الحل بصماتً دورهن يمنع الزور
العلم فيهن لأهل العرف بين
محمد مطر الحربي
يااللي طرحت اللغز مشكور مشكور
هذي الاصابع اللي فيهن تفنن
البصمه اللي تكشف الظلم والجور
هذا الصحيح العلم والذوق والفن
عقلاء مثقال العبدلي -الفويلق
ياساير الفالح عساك مسرور
واقلط على دله بها الهيل والبن
وبنات لغزك حلهن صايب الشور
بصمات ما فيهن يمكن ولا ظن
عبدالكريم الراشد التميمي - الغزالة
مشكور ياالحنيني على اللغز مشكور
ياساير الفالح بلغزك تفنن
اليا تنكر جاحد الحق بنكور
جابنه البصمات ولا يغشن
عواد مطرود الشمري-حايل
سلام ياساير عدد كل منشور
واعداد مالاح البرق والرعد حن
تحية الاسلام في بر وبحور
واصابع الكفين لغزك بلا ظن
علي آل زولان الفيفي-بيشه
حي الخزامى وكاتب اللغز مشكور
القاف من لغزالحنيني ترى أوْحَن
ياساير البصمات مايشهدن زور
من دون صوت وناطق الصوت موْحَن
فهد بن عقيل الطويان - بريدة
ياناظم الألغاز وافي ومشكور
بصماتنا سبحان منهو خلقهن
قسم الأدلة اختصاصه على الفور
حلوا جرايم واكشفوها بسببهن
سعد مويزر مشعان البدراني - الرس
ساير نشدنا عن بناتٍ ومشكور
نجيب له حل البنات وعملهن
أبصم وأنا أبصم يالحنيني ومستور
تخالف البصمات كلن عرفهن
صلاح اليابس - رحيمه
يا ساير الفالح عسى فالك النور
يااللي وزنت اللغز فنٍ على فن
نجيب حل اللغز يأتي على الدور
بصمات بالابهام كلٍ عرفه
فالح غازي الحربي - رياض الخبراء
لغز الاسبوع
كتبه للصفحه الشاعر-احمد السراد من الخبر والذي يقول
ويش رجال اشتهر باسم جميل وكايف
بس ياكثر الذنوب اللي لفت باسبابه
حل ضيف مايونس وكل شايف
اسمه الطيب من يشوفه يثير اعجابه
اقدراحلف مادخل جده ولاجا الطايف
واجزم انه ترتعد منه ملوك الغابه
نستقبل الحلول عبر الايميل
rb-khozama@alriyadh.com
او الفاكس 014871070
كما نرحب بطرح الألغاز الجيدة.