اللغز

لغز الاسبوع الماضي من طرح الشاعر تركي بن عبدالله السبيعي من الرياض ويقول:
انشد عن اللي بالمواقف لها دور
تقول لاتاقف ترى الوقف ممنوع
لاهي صناعية ولا شيء مبذور
والحل بالابيات والغش ممنوع
وكانت حلول الشعراء:
يالي طرحت اللغز وافي ومشكور
واخذ جوابه واضح(ن)غير مرموم
الحل حرف اللام والحق منصور
لام التوقف في كتابه ومطبوع
حمد عبدالله الوايلي/ حوطة سدير
لغز الخزامى شفته اليوم منشور
وسط الجريده واضح تو مطبوع
والحل معروف وموجود بالطور
اللام حرف اللام والشك مرفوع
عبدالمحسن بن محمدالمحيسن/ رياض الخبراء
تلاوة القرآن هي خير مذخور
وبالعشر هذي اجرها زود مرفوع
واضبط رموز الوقف واعرف لها دور
ولاشفت (لا) واصل ترى الوقف ممنوع
عزوز العلي - حائل
يا مرحبا بك يا لسبيعي ومشكور
لغزك قريته بالمصاحف ومطبوع
الوقف بالقرآن يا صاح له دور
خصٍ إلا جاكم مرتل ومسموع
صلاح بن عبدالله اليابس - رحيمة
يامرحبا ترحيبة الضى والنور..
مني لتركي و للخزامى بمرفوع
ضمنتها للحل وباللغز ماجور
بقراننا علامة الوقف موضوع
فزاع عبدالله الشمري - حائل
يالي حكمت اللغز لك قلت مشكور ..
لغزك غريب اقول بنص والنوع ..
الحرف بالقران بالفعل مذكور ..
الحرف حرف الام لا تقيف ممنوع ..
سعد صنهات السهلي /الدرعية
سلام ياتركي على اللغز مشكور
لو مانحل اللغز خلوه مرفوع
الى قريت الذكر بالخير مذكور
الحل حرف اللام والعلم مسموع
علي رشيد الرشيد - رياض الخبراء
ياللي كتبت اللغز تسلم ومشكور
اقرا كتاب الله والقدر مرفوع
الحل حرف اللام للوقف مذكور
صحيح ياتركي ترا الغش ممنوع
محمد ابودحيم - البدائع
حريف ياتركي بالالغاز دكتور
ابوك سوا له وكاله ومشروع
اللام بالقران له دور مذكور
في منهج التجويد له كم موضوع
فهد بن عقيل الطويان/بريدة
تركي يقول الحل باللغز مذكور
وانا رمعت اللام والغش ممنوع
يامعلم القران مشكور مشكور
علمتنا بالوقف والغش ممنوع
محمد عبدالله السبيعي - الرياض
لغز الاسبوع"
كتبه للصفحة الشاعر ساير فالح الحنيني من الخرج ويقول:
رجلن ليامن ضاق قام يتعبر
يسمع صياحه كل من كان حوله
باسباب بنت نشفت دم الاقشر
وعزي لحاله كانهم مافزعوله
نستقبل الحلول ويفضل الارسال عبر الايميل
rb-khozama@alriyadh.com
اوعلى الفاكس 014871070
ويسرنا مشاركتكم في طرح الالغاز الجديدة