اللغز

الاسبوع الماضي كان لغز الاسبوع من طرح الشاعر /جمعان بن حشر بن قويد من وادي الدواسر والذي يقول:
ويش الفتاة اللي على باب رجال
تاخذ زمان عند بابه مقيمه
تقفل عليه الباب ويشيل الاثقال
ولا يمسكه غير الفتاة العديمه
وقد وصل للقسم قرابة المائة حل ولم يتوصل للحل سوى:
سلام يابن قويد ياطيب الفال
الله يزيدك من رضاه ونعيمه
هواء الكفر يا شيخ حطه على البال
واحرص على ابر اللساتك سليمه
شلاش بن بلال العنزي - الرياض
حي الله بن قويد ارحب يا رجال
لو كنت بالوادي وأنا في رحيمه
لغزك نحله ابرة البلف تنشال
واللغز وارد والمعاني سليمه
صلاح بن عبدالله اليابس - رحيمة
يا مرحبا يا هلا باول اهلال
بأمن وأمان جعل ربي يديمه
ابرة هواء سهل دخوله وغربال
لا من بغا المظهار قالت قديمه
سالم البشري - الجبيل
حييت يا جمعان والخير لك فال
واهل الخزامى كاسبين الغنيمه
حليت لغزك يوم فتحت الاقفال
ابرة هواء بالبلف حفظ وقيمه
علي رشيد الرشيد - رياض الخبراء
جمعان جاك الحل يا طيب الفال
عساك في نعمة وربي يديمه
الابرة حل اللغز حذرات الاهمال
لازم تلاحظها عساها سليمه
محمد ابودحيم - البدائع
يابن قويد برمع اللغز بالحال
ياراعي الوادي ياشوق الحشيمة
وترى الفتاة إبرة كفر والهوا شال
حمل المواتر في ظروف جسيمة
عبدالكريم الراشد التميمي - الغزالة
يا دوسري لا هنت يا طيب الفال
شاعر حكيم ومن رجال حكيمة
لغزك على ابرة بلف قيمته بريال
تمسك هوا التاير إذا هي سليمه
أحمد السراد - الخبر
عبر الخزامى مرحبا عد همال
سحابة سحٍ طباقٍ وديمه
اللغز حله ابرةٍ شعلها عال
تحفظ هوا التاير في بلفه سليمه
مقرن بن متعب الهرف
يا مرحبا واهلين يا طيب الفال
واوصاف لغزك يالسنافي سليمه
ابرة هواء التاير حسب قول الامثال
صغيرة بالحجم لكن عظيمه
مسعود بن وبران آل دمنان - الاحساء
لغز الاسبوع
من طرح الشاعر /ساير فالح الحنيني من الخرج ويقول:
انشدك عن عدة بنات لهن دور
تميزن في فنهن عن هل الفن
الياعطنك علم نور على نور
يكفي عن شهود الشريعه خبرهن
نستقبل الحلول عبر الايميل
rb-khozama@alriyadh.com
او الفاكس 014871070
كما نرحب بطرح الألغاز الجيدة.