اللغز

الاسبوع قبل الماضي كان لغز الاسبوع من طرح الشاعر جمعان بن حشر بن قويد من وادي الدواسر والذي يقول:
انشدك عن رجل يدل المناعير
دربه دهر واذا مشى يذكرونه
راعيه يعرف بين ورد ومصادير
وان ركب ماينز ولا يقدرونه
وقد توصل للحل شعراً:
اللغز حله وسم فوق المغاتير
حلالك إلى ضاع به يذكرونه
يقفي ويقبل ما يحسب المشاوير
دربه دهر والناس مايزرعونه
محمد بن عبدالرحمن ابو دحيم - البدائع
اقول حييت يا جمعان عد الطوابير
واعداد ما يثمر وما يقطعونه
يا صلك حل اللغز ما فيه تغيير
وسم الابل واهل الهجن يوسمونه
فالح غازي الحربي - رياض الخبراء
اللغز يابن قويد مافيه تزوير
محبوك والعرف مايجعلونه
احداً وسم ناقه واحد واسم بعير
حتى بقايا مالهم ياسمونه
عامر ناجي الحنتشوي العتيبي - ساجر
يامرحبا ترحيبة كلها خير
في صفحة الخزامى ترى يرمعونه
الحل ياجمعان يركب على بعير
وسم لنا والباب ما تجهلونه
صلاح بن عبدالله اليابس - رحيمة
ذاك الوسم من فوق ملح ومغاتير
واهل الجزيره كلهم يعرفونه
هذا جوابي يالرجال المناعير
وعساي صبت الحل ما صرت دونه
عبدالله عوض الله العوفي - الحناكية
الغزل يابن قويد كامل المعايير
كل البدو يادوسري يوسمونه
على المجاهيم وعلى المغاتير
وعلى الصفر والشعل يوضعونه
كليب بن زعال
لغزك يابن قويد مافيه تحيير
اللغز واضح بين هالونه
وسم البدو لطروشهم له معايير
كل يضع شاهده ما يحيونه
رميزان حمام الحسوني
حورت لغز الدوسري كل التصاوير
ولقيت انا الحل بعالي فنونه
هذاك وسم الابل جل ومصاغير
شاهد البدوان بخالط ظعونه
دايود غضيان العودة
لغزك يابن قويد على المغاتير
وعلى جميع الطروش وسمن بلونه
وسمن يدلون به الدواوير
ويا شافوا الهامل به يوضعونه
فياض ثميل الفرج
كما توصل للحل نثراً:
برغش عناد بن حمري - الرياض، فالح غازي الحربي - رياض الخبراء، عبدالله عمران العزيزي، نايف خالد الجبل - سكاكا، سعود جزاع الفهيقي - سكاكا، نايف جزاع - الجوف.
لغز الاسبوع
كتبه الشاعر المبدع محمد عبدالرحمن ابو دحيم من البدائع ويقول:
انشدك عن عقده وعقده وعقده
تنحل في رجلين والثالثه بنت
واللي عقد كل العقد ما نوده
بالكتب مذكورات لامن تمعنت
نستقبل الحلو على الفاكس 4871070 أو الايميلrb-khozama@alriyadh.com
كما نرحب بطرح الغاز الجيدة.