حلول اللغز

نشرنا في عدد تراث الجزيرة يوم الجمعة الماضي لغزاً كتبه الشاعر ناصر المسيميري,, يقول فيه:
ابنشد اللي للمعاني يعرفون
ورع مع اخته دوم متلازمينا
ياكل من اخته وافهمو لا تضيعون
وتنقص وهو بالعكس يصبح بدينا
***
يا مرحبا بك عدّ ما هلّت مزون
وانا على نظم القوافي فطينا
والحل مغزل، ما بها شكّ وظنون
هذا جواب اللغز والله يعينا
نايف بن عبدالله بن غشام الجناحي
القويعية
***
يا مرحبا في صفحة تترك الدون
تنشر عوالي القول في كل حينا
والحل جبته باذن من يملك الكون
تراه مغزل نذكره من سنينا
صقر بن سعد الجبيري
القويعية
***
صفحة تراث اللي بها ابداع وفنون
نفخر بها والشكر لازم علينا
نشكر بها اللي للثنا يستحقون
أبوحمد واللي معه مخلصينا
من بعد ذا والحل للغز مضمون
مغزل نعرفه من قديم السنينا
عطا الله بن سليمان العطا الله
الزلفي
***
حي (التراث) وحي ناس يحفظون
تراثنا اللي ضايع من يدينا
هبت رياح للحضارات وفنون
منها تغربلنا وفيها ابتلينا
جتنا المصانع وانهت اللي يغزلون
(والمغزل) أصبح من تراث السنينا
محمد بن حمد البدر
الزلفي
***
يا جعل عز المملكة قرن وقرون
وانا بحل اللغز لو ما يبينا
تراه مغزل تغزله زينة اللون
نبغى الجواب ومير هو ما يبينا
محمد سعد غشام الخالدي
القويعية
***
البادية وتراثها فن وفنون
لغزك يوضح فعلهم باليدينا
تراثها ما ينّسي وانت ما تهون
المغزل وتغزالته من سنينا
محمد علي السالمي
رفحاء
***
الفكرة اللي كلها إبداع وشجون
لو عاقها طول المدى ما رضينا
نحثها ترحل مع اللي يمدون
وتاخذ بنا لماضي قديم السنينا
حتى بها نبحث خفا كل مكنون
وبسيرة المغزل نجر الحنينا
فهد الجروان
الزلفي
***
ما أحلى الكلام اللي مرتب وموزون
ويكمل حلاه بذكر ماضي السنينا
لغز ظهر والحل (مغزل) ومضمون
وشاركت به من جملة العارفينا
مبارك بن مسفر آل وحيد
الرياض
***
يا الربع طيعوني ولا تستعجلون
الصبر مفتاح الفرج كل حينا
وش عاد لو صارت مثل ما تشوفون
ابوحمد رجل فهيم فطينا
اهل الوفا بالضيف الى اقبل يهلون
والصوف والمغزل غدا له سنينا
محمد عبدالكريم الغزي
الزلفي
***
يا مرحبا باللي نظم قاف موزون
وعاداتكم يا الطيب متمثلينا
مغزل براس المغزلة دوم مقرون
واللغز للعراف دايم يبينا
عبدالهادي فهاد العرجاني
***
حي الكلام اللي عن النقص مصيون
من شاعر معناه دايم سمينا
والورع مغزل واخته اللي يغزلون
مغزل وغزلة مهنة الغازلينا
فهاد عايض بن عمير
***
لغزك عرفته وأنت تدري ويدرون
المغزل اللي نبرمه باليدينا
ياخذ من الصوفة بخيط يبرمون
والحل جبته يالشجاع الذهينا
فهد المحمد السماعيل
***
سلام يا ناصر وحييت مليون
من صاحب يغليك في كل حينا
الحل هو مغزل وانا اقول مضمون
تغزالته جنبه ومتوالفينا
علي رشيد الرشيد
***
يالله يالمعبود يا مكون الكون
يا والي الاقدار,, تستر علينا
يامعطي الإنسان,, تفكير وعيون
يالله على درب الصواب تهدينا
قريت لغز وجبت له حل مضمون
(المغزلة) ما تبلش الفاهمينا
زهران عون الله المطيري
بريدة
***
اقبل تحية عد ناسٍ يصلون
ياناصر,, اللي بالحزم,, ساكنينا
واللغز حله يا فتى الجود مضمون
(تغزالة) ما تجهل العارفينا
ابوبسام
بريدة حي الروضة
***
يا شاعر الالغاز,, شرواك ما يهون
كتبت لغز فالمعاني ثمينا
وأنا أبجيب الحل,, والحل مامون
عن الخطأ,, يا مواجه العارفينا
مغزل وتغزاله,, ومهما تقولون
مافيه غيره,, والمغطى يبينا
بدر زهران المطيري
بريدة حي الثقة
***
بالفاكس والا عن طريق التلفون
نرسل جواب اللغز للطيبينا
واخذ الاجابة مابها شك وظنون
مغزل وتغزاله,, بماض السنينا
مفرح علي الحربي
بريدة
***
تراثنا عند الحشيمين مصيون
دامه موثق عندهم ما علينا
واهل الجزيرة في بروزه يحرصون
لوقفاتهم يا هل الوفا مانسينا
ذكرني (المغزل) هل الطرش وضعون
وذيك العدود اللي عليها القطينا
موسم بن سفر القثامي
الطائف
***
يا هل الوفأ والعرف والطيب تكفون
شدوا على موروثنا ياليدينا
أنتم هل الوقفات والكل يدرون
وقافتكم في كل يوم تبينا
موروث جدان لهم ذكر مصيون
لا يطمسنه لاحقات السنينا
وبياعت بيوت الشعر لي يقولون
تبدل (المغزل) بشغل المكينا
صويلح بن عبيسان الشيباني
الرياض
***
ياللي كتبت اللغز للي يحلون
يا شاعرا بالجزل دايم يجينا
اللغز يا ناصر بمعناه مضمون
المغزل وتغزالته واضحينا
فارس الحربي
الرياض
***
ناصر يريد الحل والحل مضمون
المغزل وتغزالته يا ذهينا
وبيت الشعر منصوب والناس يدرون
ولولاه ما صار البدو ساكنينا
خليف الحربي
الرياض
***
يا مرحبا تعداد ناس يصلون
بالصاحب اللي جاب لغز ثمينا
مغزل وتغزاله بلا شك وظنون
هذا جوابه يا طويل اليمينا
صالح عبدالله الزرير التميمي
الرس
***
والله مابه شيء بالكون مضمون
ما نضمن الا الموت حق ويقينا
ولغزك حسب معناه يا فلان بيكون
مغزل وتغزاله وبكرة يبينا
حماد الحنيني
***
اهلا هلا ما رفرف البرق بمزون
واعداد ما هلت حقوق الغشيناء
اللغز مغزل اللي يغزلون
هذا تراث أجدادنا الأولينا
سالم الظعيني