بيت وصدى

كان بيت الأسبوع الماضي للشاعر إبراهيم بن راشد آل مغيرة من ضرماء، ويقول:
صار الكذب ياناس للبعض عاده
يخلف مواعيده ويحلف بالأيمان
وكان صدى البيت من الشعراء:
كم واحدن يكذب ويكذب ازياده
واليا نصحته قام يقسم بلديان
الكذب في دنياه ملحه و زاده
ويوم القيامه بس مفلس وخسران
هو مادرى ان الكذب عيب ونقاده
سمعته شانت عند حظرن وبدوان
سعد صنهات السهلي /الدرعية
الله خلق خلقه وحذرعبادة00
وأرسل رسوله وبين الحق تبيان"
" الصدق منجاة وحياة وسعادة00
والكذب يجعل صاحبه دوم حيران
" وما ياصل الكذّاب يوم مراده00
حبله قصير ويلحقه دوم حقران ""
عثمان إبراهيم الرشيد0 الرياض
عاده قبيحه ما وراها استفاده
... واللي يروجها مع الناس شيطان
حبله قصير والخطر في زياده.
.. لو تخفي الواقع فلابده يبان
الدين ينهى والدلايل شهاده
... واللي يكذب قال للكذب الوان
علي رشيد الرشيد - رياض الخبراء
كرا(ن) على المضمون وايضا الافاده
ياشاعر(ن) تبدع طواريق واوزان
بعض البشر ياخوك مابه ركاده
يكذب وكذبه للملاء مااختفى بان
اقصى طموحه لو تحقق مراده
يتبع هوى نفسه ولو كان ورطان
عبدالكريم إبراهيم بن خزيم/ البكيرية
كل ٍ على كذبه تركاء شداده
وقام يتفلسف واثق الهرج ذيبان
من كذبته صار ابن عم السياده
بلفيت انا كنق الحكي طير حوران
في باله ان الكذب بحر السعاده
وياقصر حبله مير دهوره شيطان
محمد زايد الحزيمي
الكذب عادة والبلا فعتياده
وما يكذب الا كل تافه وخوان
الكذب ما يأتي لأحد با السعاده
ما يأتي الا بكل همن واحزان
ولو كل من يكذب يحقق مراده
اذا كثر العربان للكذب خلان
يحيى علي الوايلي - الرياض
يا مخلف الميعاد عقب الوكاده
لا تكذب وتخلف على صاحب الشان
ترى الوفا والصدق دين وعباده
جلك من الاعذار لو كان ما كان
من شيمة الاعراب فارس وغاده
حسن التعامل قول وافعال يا فلان
علي الزولاني الفيفي - بيشة
يا من مشى بالكذب ما اشين عناده
ومن يخلف الميعاد ضايع وغلطان
الصدق مطلب وفيه خير وإفادة
وترا دليل الكذب من ضعف الايمان
يا ما يزين الهرج بصدق وركادة
وهرج الصراحة للرجل دوم عنوان
ريان محمد الخنيفر/الرياض
بيت الأسبوع
اقترحنا أن يكون موضوع البيت اختيارياً للشعراء بطرح البيت وموضوعه وبيت هذا الأسبوع للشاعر حمد عبدالله الوايلي من حوطة سدير ويقول:
الناس في الدنيا ضيوف وماشين
ومادبر الله للمخاليق صاير