بيت وصدى

الأسبوع الماضي كان بيت الأسبوع في ذكرى البيعة لخادم الحرمين الشريفين الملك عبدالله بن عبدالعزيز آل سعود حفظه الله والبيت يقول:
الولاء والعهد والصدق والبيعه
لك يا بو متعب من الشعب نرفعها
والصدى من الشعراء:
أمره علينا شرف سمع وانطيعه
المال يرخص وغال الروح ندفعها
لا دخن الجود وحلت ساعة الضيعه
نثبت جموع ووغى الميدان مرتعها
واجب علينا جميع نجدد البيعه
في ظل عبدالله الرايات نرفعها
حمد بن عبدالله الوايلي - حوطة سدير
حامي وطنا وامره دايم نطيعه
والكلمه اللي يقوله دوم نسمعها
همه على الشعب يسعى دوم تشجيعه
يحب شعبه وعلى الطاعات يجمعها
شفنا بلدنا كثيرات مشاريعه
بقيادتك يا حكيم الراي تصنعها
محمد بن عبدالعزيز الخنيفر - أشيقر
من عموم أطياف شعبك لك مطيعه
العدل عنكم علم لنصح جامعها
حكمكم مثمر جنا شعبكم ريعه
الدرر من طيب قلبك مطلعها
انت ريف الشعب واجمل مرابيعه
العذوق المثمره يدك تزرعها
بدر بن خلف العتيبي
نعاهد الله عظيم الشان ونطيعه
ونعاهدك ثم راس اعداك نقطعها
شعبك يحبك نقول الحق ونذيعه
يا سيد الشعب شيخ العرب واشجعها
امر وحنا على داعيك سميعه
عهداً علينا فلول الشر نقمعها
علي الزولاني - بيشة
يا خادم اسلامنا لك نحيي البيعه
في دولة كلنا نحيا مراتعها
يا حاكم الدار أمره حق ونطيعه
سنين حكمك وربي زان مريعها
ولكم الولاء بالضماير للملا نذيعه
واعداك يا خادم البيتين نقمعها
سعود عائش الحربي - القاهرة
بيت الأسبوع
كتبه للصفحة الشاعر سالم البشري حول موضوع حصول جريدة «الرياض» على جائزة الحريري العربية كأفضل عمل إعلامي يساهم في التطوير، ويقول:
جيت اشارك وابارك للجريدة واهلها
حق اشارك فرحها عبر صفحة خزامى
* نستقبل صدى البيت بثلاثة أبيات حول نيل جريدة «الرياض» لهذه الجائزة العربية