بيت وصدى

الأسبوع الماضي كان بيت الأسبوع من طرح الشاعر إبراهيم القحطاني والذي يقول:
والله إن ودي على ما قيل يا ناس اتكلم
واشكر الله ثم أبو متعب على هاذي الزيادة
كلنا ياللي نظم بيت الشعر ندرك ونعلم
لو نترجم حبناله لا ولا نوفي الإفادة
كم فقيرة قام يدعي للمالك والليل مظلم
والدموع الهامية من فرحة المسلمين شادة
يا عظيم الشان سلم راس أبو متعب وسلم
راس ابوخالد ولي العهد سلطان الريادة
علي جابر الزولاني الفيفي - فيفاء
زود الراتب أو شهري زود أبو متعب ايسلم
قول أبومتعب ليا قاله وأكيد من الوكاده
ثم دبل راتب شهر كامل من دبل بالعلم علم
يبغي اللي عند ربه ما يبي منا شهادة
قال د عمنا للمعوشة يا المواطن له تولم
وده إن امواطنينه كلبوهم في سعادة
نواف نايف هلال الحزيمي - الجمش
كلنا نبغي انتكلم بالزيادة وانتعلم
الزيادة فرحة وبهجه من ابطال القيادة
عاش ابو متعب عسى عمره طويل ولا يتألم
يا شعوب المملكة تكفون في شهر العبادة
ارفعوا أكف الضراعة وادعوا الله المعظم
بالنصر ييد ملكنا ويتحقق له مراده
محمد بن عبيد الديحاني - رياض الخبراء
المواطن والوطن كل يقول الله يسلم
راس أبومتعب مليك المملكة عز القيادة
الزيادة مكرمة وبجود عبدالله تعلم
لاح براقه بخير وسأل سيله في بلاده
نشكر آل سعود قادتنا وصلى الله وسلم
عالرسول اللي بعثه الله لتوكيد العبادة
صالح سفر العمري
الله اللي علم الإنسان حتى انه تعلم
وفي كلام الشاعر ابراهيم من عندي شهادة
مكرمة من خادم البيتين حسب امره تسلم
يالله انك تكرمه بالخير في شهر العبادة
الزيادة للموظف عسكري وإلا معلم
والضمان الاجتماعي يشمله فضل القيادة
عوض عويض السلمي - الرياض
الوفا طبعه لشعبه عادة المحبوب يسلم
ما ذخر لأبناء وطنا وكم عطا خارج بلاده
في دروب الخير يسعى وافرح نفوس تألم
لا جلس حوله كبير عادته حقق مراده
كم سعى لاجل الضعيف وكم سعى للي تظلم
قايد والله محنك والوطن شاف السعادة
محمد بن عبدالعزيز الخنيفر - أشيقر
الزيادة جت بامر رجل معلم ما يعلم
جت بأمر سامي تحت توقيع رجال السيادة
جزل مدة عم شعبه كلهم عساه يسلم
جزل مده طال عمره عم كل أبناء بلاده
سلطان بن حمد أبوشقاف الحبابي - الطائف (الحوية)
بيت الأسبوع
من طرح الزميل الشاعر سليمان العتيبي والذي يناقش قضية النظافة والحملة الرائعة التي تنفذها أمانة مدينة الرياض ويقول البيت:
من أجمل قرارات الأمانة على الإطلاق
غرامة على رمي النفايات في الشارع
نستقبل صدى البيت بثلاثة ابيات فقط تدور حول موضوع البيت المطروح على فاكس 4871070 خزامى الصحارى - زاوية بيت وصدى.. كما نرحب بطرح بيت الأسبوع على أن يناقش قضية اجتماعية هادفة.