الأسبوع الماضي كان بيت الأسبوع من طرح الشاعر محمد جلمود الشكره والذي يقول:يا شارب الدخان شهر الصوم فرصه لا تفوت عساك تدرك فرصتك وايضاً تحسب حسابها وقد كان صدى البيت كما متوقع من الشعراء رائعاً ونعتذر عن نشر بعض الأصداء للبيت المطروح لخروجه عن موضوع الطرح: فرصة عظيمة بالعزيمه للبكت يا فلان شوت وأقلع عن التدخين وأضراره تراك أدرابها بيديك جبت التهلكه والله نهاك إنك تموت النفس معصومه وقتل النفس ذا من أسبابها وشلون تعصي خالقك وتطيع شيطان وطغوت ربك يدلك للسنع وإبليس يقفل بابها محمد بن عبيد الديحاني - رياض الخبراء مشاكله كم هدمت ياما كثيرات البيوت ذي عادة يا شينها والكل ما يرضى بها شفنا الصغير اللي مشى بدرب الكبير كيف السكوت رسالة لابنائنا قبل الخطر ينتابها زقارة فيها المرض وايضا ترى فيها الشموت هذي نصيحه وانتبه ياللي تعرف اسبابها محمد بن عبدالعزيز الخنيفر - أشيقر اعزم على تركه وتب لله من قبل ان تموت تكسب رضا ربك ومن خلقه تنال اعجابها الى تركته فاعرف انك من بلاويها نجوت والنفس بيد اللي خلقها في يديه اسبابها هذي نصيحه والنصايح خير من شرب وقوت والمصلحة لاشك لك يا شيخ وانت ادرا بها غرمان بن عبدالله البكري - خميس مشيط هذي نصيحه طيبه لأهل الزقاير والبلوت الله يجزاه الف خير الشاعر اللي جابها نشكر معد الزاوية وابداعه بكل الوقوت وصفحة خزامى الرايعه نشكر جهود أصحابها يا شارب الدخان تب وافتك شره لا تموت تراه عادة سيئة تعدم قلوب أحبابها صالح العمري - حفر الباطن يا راعي الدخان خله واغتنم شهر القنوت بالذكر والقرآن والتسبيح وأنت أدرى بها مامن ورا ذيك الزقاره خير ولقولي ثبوت خساره في النفس والرجال ما يمنابها اطلب من الله العفو وجنب عن ذيك البكوت هاذي نصيحه واستغل هذا الشهر تجنابها نفل محمد الصخابره الدوسري فرصة ثمينة ماتعوض اعلن وكب السكوت اعلن باقلاعك عن الآفه وقفل بابها آفه تسبب لك امراض ومحتمل منها تموت تدمير نفسك يا فتى معقول هل ترضا بها اقلع عن الآفة الآن اقولها ضمن الف صوت اقلع عن التدخين واترك طرقته وانشابها سلطان بن حمد ابو شقاف الحبابي - الطائف بدلبه المسواك ثم اطلب من الله الثبوت انه يفكك منه والتوبه ماقفل بابها فرصتك بالشهر الكريم الحق بنفسك لا تموت إعزم على تركه وهاذي مصلحتك أولى بها لو فيه والله فائده يمديه في كل البيوت لكن ما به خير كرم لحيتك واشنابها عوض عويض السلمي - الرياض محمد الشكره نضم له بيت عن عشر بيوت نصيحه جزله وعاش الشاعر اللي جابها نصيحتك بقلوب كل المجتمع كل الوقوت حبيت اجاري حضرتك والنار من شبابها يا شارب الدخان خلك مع كبيرين البخوت لكل عله يوجد علاج يزيل أسبابها شبيب بن هذال وندان السبيعي - الرياض في شربها سم القلب ثم الندامه والكبوت نصيحتي خل السجاير للغرب من جابها يا صاحبي إقرأ عن اللي من سبايبها يموت ترى الولع محراب لا تاجي طريق اصحابها وفر ثمنها يا فتى مصروف لعيالك وقوت لا تستمر فالمعصية تسلم شديد عقابها علي جابر الزولاني الفيفي - فيفا بيت الأسبوع: من طرح الشاعر ابراهيم مسمار القحطاني من الرياض ويقول: والله إن ودي على ما قيل يا ناس اتكلم واشكر الله ثم أبو متعب على هذي الزيادة نستقبل صدى البيت بثلاثة أبيات فقط تدور حول موضوع الزيادة وأهميتها للمواطن فقط على الفاكس 4871070، زاوية بيت وصدى. كما نرحب بطرح بيت الأسبوع على أن يناقش قضية اجتماعية هادفة.
