الأسبوع الماضي كان بيت الأسبوع من طرح الشاعر الزميل بكر هذال حول موضوع خطورة السيول والذي يقول: يا هاوي الرحلات في وقت الأمطار حذرا من الوديان حذرا من السيل وكان الصدى من الشعراء: ليا شفت ناشي المزن جنب للاخطار لا تحسب أن المزن في مده يخيل خلك ذكي لا تجرفك بعض الأشوار من اللي بهم دايم سذاجه وتضليل المزن هو لسد مارب سبب فار واوصاف فار السد وأجدر يا جيل بدر بن خلف الحزيمي خير السما ولاجاك وانته بالاسفار احذر الوديان والسيل بالليل ولا صار ما عندك عن الدرب اخبار خلك على الامل بالحظ لا تميل مع رفقة(ن) تنفك في كل مشوار واحرص على موتر جديد(ن) وبه حيل سعود عائش الحربي دام البحر له قيس في فكر بحار البر له قبل المكاشيت تحليل كم واحد روح به السيل مرار مثل الذي يمسي على سكة الريل لا تقرب الوديان لو صار ما صار السيل من مجراه ما عنه يميل سعود سعد الحافي - الرياض ترى المطر رحمة على كل الأقطار والسيل لامنه جرى جاك بالخير متع نظرك وجنب النفس الأخطار خلك بعيد والتزم خطة السير كم من بغى النزهة وعود بالأمرار لأن الخطر ما احتاط له قبل لا يصير سرور بن محمد بن حنيان - المجمعة يابكر بن هذال دار الزمن دار وقت الشتاء وقته طويل وبالليل لا جاء المطر فز الزهر فز نوار هات الدلال الصفر هات المعاميل وابعد عن الوديان في وقت الأمطار خطرٍ يشيل السيل كل المحاصيل عبدالمحسن بن محمد المحيسن - رياض الخبراء لا تقصد الوديان في وقت الأمطار نصيحة قبل العنا والغرابيل ولا تسلك دروب صعيبات واخذار وامسك مكانك لا تشوف العراقيل السيل ما يرحم ترى السيل غدار حذرا تروح الروح جعله تساهيل محمد عبدالعزيز الخنيفر - أشيقر خلك حذر لو موترك جيب فكس آر لا تنطح الكثرة ولو ممتطي خيل كم واحد عد الدبل سيف وسار ويوم انطح الوادي درى بانه دبيل هذي نصيحة واحد شاف الأخطار ما عاد له فمناطح الأودية حيل جهاد عبدالعزيز الشعلان يا عادي المقصود في وصف الأخطار جابه أبو هذال وأجزل من القيل وتلقى الإجابة من جزيلات الأشعار في كل موسم يكثر الحط والشيل وتشوف ما حيرك من كثر الأخبار وياالله يلي تولج الصبح في الليل أنت الاله وعالمٍ غيب الاقدار تغيثنا غيثٍ على القدر والكيل حمد عبدالله الوايلي السيل غادر بيت الأسبوع من طرح الشاعر بدر بن خلف الحزيمي حول الموضوع المقترح من الأخ خالد المرشود قضية بيع الشعر ويقول: يا بايع للشعر يا مشرى له ريال جك أو سقت يجلب لك العيب نستقبل صدى البيت بثلاثة أبيات فقط تدور حول موضوع بيع الشعر وذلك على الفاكس 4871070 أو الإيميل [email protected] مقترح من الصفحة لقضية بيت الأسبوع القادم وهو قضية الطرق السيئة القديمة وعدم صيانتها أو وضع علامات تحذيرية.
