الأسبوع الماضي كان بيت الأسبوع من طرح الشاعر ماجد الماجد الذي يقول: ياللي نويت البر طلعه ومكشات احذر من أخطار السيول وضررها وقد كان الصدى من الشعراء رائع جداً ومعبراً عن مدى المأساة التي قد تنتج من أخطار السيول: لا لا ينسيك الفرح بعض الآفات لقدار ما تعطيك موعد قدرها واطلب جليل الملك في كل الأوقات انه يكافيك البلا ومع خطرها هاذي نصيحة جتك ما من كل الآفات قوالها حسب الشروط واختصرها محمد جلمود الشكرة الدلم وجنِّب بطون الأودية كل الأوقات عنها النصايح واردة في أثرها السيل ماله عن مجاريه ميلات ما وقفه فعل السنين وبشرها وغض البصر عما يضايق وعورات بر وحضر للجار حق وسفرها فهد بن عقيل الطويان بريدة وادي الرمة مجراه من بيت أبانات وادي الرشاء برقه حنوقه غمرها والوسم مقفي والعقارب بعيدات والمربعانيات جانا نذرها واجبال حاتم من عصور قديمات مقر ناسي تكرم اللي خطرها بدر بن خلف الحزيمي سلامتك عندي تراها مسرات بالله تربص وانتبه من خطرها خلك من الوديان فوق المطلات من أجل تامن لا يشلك حشرها فكر قبل تمسي بدار الوفيات لا ترمي الروح العزيزة قبرها علي جابر الفيفي فيفا إليا جاء المطر خلك بروس الطويلات أسلك صحيح الأرض وأترك وعرها لمستنقعات الأرض والسيل نكبات للي يقرّب حولها ما اعتبرها ياما غدابه من نفوس برئيات من سبة الاهمال لاقت خطرها محمد بن عبيد الديحاني رياض الخبراء كم واحدن كم واحدن فالخلاء مات نفس البنادم ربي اللي ومرها لا جاء الربيع أو صار للبر سجات الأودية ياقو والله خطرها هاذي نصيحة كان تسمع للأبيات أخذ الحذر لاقام ينزل مطرها نواف نايف هلال الحزيمي الجمش لا تحسب ان البر روحه وجيات ما ينومن وقت المطر من ضررها لا تحسبنه لعبتك لعبة الشات كم واحد راحت حياته خسرها امسك محلك فالمطر بعض الأوقات لا تقول أنا علان ما أخشى خطرها مبارك محمد الدوسري وادي الدواسر ماجد يقول الصدق من حسن نيات خل التهاون وابتعد عن خطرها كم من نفوس روّحت ظرف لحظات تبي التسلي ثم جاها قدرها واحذر من الوادي ترى السيل غفلات تلقاه خالي وكم نفوس غدرها محمد بن عبدالعزيز الخنيفر - أشيقر إذا نويت البر يا طيب الذات احذر تجي مرا السيول وخطرها بعد عن دروب الخطر والمتاهات دور سهول الأرض واترك وعرها انصحك قبل تصير رحلتك ماسات وتعود نفسك هايمة من قهرها سلطان بن حمد الحبابي الطائف يا ماجد الماجد زبون الونيات نصيحتك بالقرم ما أكثر ضررها من ينزل الشعبان جنة مخبات يالليل لا تسكن بداخل وعدها عليك مسكان الجبال المنيفات تبعد عيالكن مصايب خطرها حميد خلف الملفي ياما ظهروا ناس يبون الوناسات وقت المطر سال الشعيب وغمرها من يوم أنا شفت الجريدة والابيات بيت وصدى وسط الخزامى سطرها يلزم على القاري يشارك بلمحات تحكي عن أخطار السيول وضررها سعود بن سعد الحافي الرياض بيت الأسبوع طرح بيت الأسبوع الشاعر ابراهيم مسمار القحطاني من الرياض ويتحدث عن انضمام المملكة العربية السعودية لمنظمة التجارة العالمية ويقول البيت: انضمام المملكة للتجارة عالمي ومملكتنا عالمية ورفرف يا علم نستقبل صدى البيت بثلاثة أبيات فقط على أن تدور حول موضوع البيت المطروح على الفاكس 4871070 - صفحة خزامى الصحاري - زاوية بيت وصدى كما نرحب بطرح بيت الأسبوع على أن يناقش قضية اجتماعية هادفة.
