الأسبوع الماضي كان بيت الأسبوع من طرح الشاعر صالح بن عبدالله الجلعود من القراين حول موضوع الحذر من التهور في النزول للأودية والسيول والبيت يقول: حذرا من المطمن وحذرا من السيل وحذرا من الوادي يدربيك سيله وقد كان الصدى من الشعراء رائعاً ونعتذر عن عدم نشر ما تأخر من الأصداء المرسلة للقسم: واحذر من المنزل الى صرت بالليل ترى المطر لا جار مافيه حيله ما يكون فارس كل من يربك الخيل ولا يفيد اللاش كثرة عويله خلك مع اللي ينطح الحمل والشيل ينفعك بالموقف ويبذل جميله علي الرشيد - رياض الخبراء ياما وياما راح تحت الثرى جيل راحوا ضحية سيل هاك المخيله لاشفت براق الحيا يشعل الليل جنب عن الوادي وشئت لك بديله لا تامن الغدار والداب والسيل خلك حريص النفس من كل حيله علي جابر آل زولان الفيفي - بيشة لاتحسب التحذير كذب وتهاويل واسمع كلام ما تحصل بديله السيل ما عنده مهايط وتطبيل والى تمكن منك مافيه حيله حتى لو انك من نشاط الرجاجيل تعجز تخلص منه باية وسيلة محمد بن عبدالله الجلعود - الرياض اسمع كلام اللي يحذر ابتحليل يحذر وينذر هاذي ا فضل وسيله والمشكله ونجاكم السيل بليل تشيل عفشك أو بعد ماتشيله الصحف تنشر عنك وتحط تشيل وتفرح عليك اهل القلوب الغليله سعد صنهات السهلي - الدرعية للسيل وقت(ن) وله مجرى كما النيل ذا دايم اوزك يا مصعب دليله واحذر مماشيك أو ممساك بالليل في طامن الارض أوقات المخيله والسيل يياما شكى جيل(ن) بعد جيل منه لا صرت بالخبرة قليله سعود عائش الحربي بيت الأسبوع تجاوباً مع مقترح الأخ فخري الحربي من الرياض حول مقترح مشاكل الخدم في المنازل فقد ارسل للصفحة الشاعر سعد صنهات السهلي من الدرعية ويقول: الامانه امانه والامانه ثقيله الخدم عندكم ياناس مثل الامانه ❊ نستقبل صدى هذا البيت بثلاثة أبيات فقط تدور حول موضوع معاملة الخدم في المنازل واحترام مشاعرهم وعدم التضييق عليهم وذلك على الفاكس «014871070 « ويفضل الإرسال على الإيميل [email protected] مقترح لموضوع بيت الأسبوع القادم بعث للصفحة الأخ محمد حمدان النفيشي مقترحاً لموضوع بيت الأسبوع القادم وهو موضوع مضايقة الشاحنات للسيارات الصغيرة بشكل يلفت الانتباه، وكذلك تجاوزات سائقها للسرعة القانونية بكل جرأة.
