كان بيت الأسبوع الماضي غزلي للشاعر حمد عبدالله الوايلي من حوطة سدير ويقول: كثر الغلا يستاهله ترف الاقدام اللي يروف بقلب خل يوده وكان صدى البيت من الشعراء: يزيد زينه كل ما مرت ايام القلب مايقوى بعاده وصده مانيب في حبه مواخذ ومنلام سرق فؤادي مير ليته يرده الحب معروفٍ من دهور واعوام كم واحدٍ عاني مصاعب وشده احمد بن ناصر المحرج/الرياض لا شفتها لو كنت ضايق ومنضام تنسى الهموم الماضية والمجده غلاك بعيونه تشوفه بسلهام صوته سحر والموت بورود خده الزين يكمل بالعفيفات وحشام وأم السفور المدح ماهيب قده فهد بن عقيل الطويان - بريدة أبو ثمان تجهر عيون الأنام وجدي لها فاق الوجد والموده عشقتها عشق البدو بارق الشام لكن حالوا بيننا المستبده واليوم أنا من لايع البين منضام الله يجازي من تجبر وصده علي الزولاني الفيفي - بيشة وتستاهله عمهوجتن حسنها تام الزين فيها كاملن وصل حده حوريتن لولا السحى اتلبس وسام كن القمر لا من طلع فوق خده ان نمت زارتني معاطيف الاحلام واذا صحيت اذكر حلاها وأعده غنام مسعود القريني - نعام اللي يحب الترف ما هوب ينلام أنا اشهد إنه غالي وله مودة الحب لأجله ما خفى مثل الأحلام والحب بلوى صعب من هو يرده ترا الهوى معروف يأتي بالأوهام أقول أنا راعيه يا شين لدّه محمد عبدالعزيز الخنيفر - أشيقر الحب كله للحلو بفطر وصيام لاصار مافي القلب شيء يرده كل الجوارح ترتعش له إذا قام وان كان جالس تسلم يمين يده والله إذا رزق الشخص رزقه التام دام الهنا معاه لين المخده عبدالله علي الحوشاني - الرياض الصاحب اللي معدمن روحي اعدام يزيد حبه كل وقتي ومده دلع ولع غلاء حلاء جسم هندام اذا كشخ بالثوب مافيه قده انعم من الديباج وابيض من الخام وإذا رقد ياكبر حظ المخده حميد خلف العوادني العنزي - الرياض لأجل الحبيب أتعبت ساقي والأقدام سعيت له يوم (ن) قلبي يوده سريت ليل (ن) فيه عذالي إنيام وعدت والمحبوب ما باح سده سلمت وأوصلت الخبر له والاعلام ولقيت عنده لي عظيم الموده علي بن معاضة - الدمام الحب لي شبّك بمردوعة اوشام راع الهوى ما يهتني بالمخدة يسهر ولو خذ غفوةٍ جت بالاحلام قلبه على المجمول ما عنه صدّه قيس الملوّح من الهوى صابه هيام من حب ليلى واهج الشوق هدّه سعود بن عبدالعزيز الهزاع - نعام الحب صعب وداخل القلب مرسام يا شين بابه ويا صعب من يسدّه واللي مشى به ضاع وصابته الأوهام لا من طرق للدرب كل(ن) يلدّه كم واحد(ن) من سبته صابه سقام ومن سار بدرب الطيب يبشر بمدّه ريان محمد الخنيفر - الرياض لي صاحبٍ يا زِين هرْجه وهنْدَامْ أحلى مِن الكادي ومنْ ريح عُودَهْ واللّه ما توَخر ولاَ رُوح قدامْ عن الوعد حَتّى توفِّي بنودهْ يا لترْف مِنْ شانِك على الموت مقدامْ لو كان دونكْ قبْر جاهز لحوده ْ محمد العيسى - مكةالمكرمة زاد الغلا لا من تبسم ابسلهام يلعب بقلبي بين مزحه وجده قدلي على ما قيل من شوفته عام مهوب لا ودي ولاهوب وده المشكله من حظي السي ماقام عزى لقلبن بيح الصبر سده سعد صنهات السهلي الدرعية يروف والا مايروف الغضي دام الله بلاني به تدوم المودة يصد ويظلم ويتغلى له ايام والى عطف نسيت ظلمه وصده شرع الغلا ماهو مثل شرع الاسلام اللي جزا الاعمال جنسه وقده عبدالعزيز الصالح - حائل ويا محلا زوله على صدره وسام والله يحاسب كل شخص يلده وكل الغلا للي ملك قلبي العام وردوه عذاله على غير وده لاهوب في صنعاء ولاهوب في الشام ومتي نشوف اللي نحب و نوده عبدالله بن ثمر الودعاني - الظهران انت وحيد القلب من ذيك الاعوام وحبل الوصل لوهو قصير تمده" لا غبت عن عيني تجي يمي أوهام أخاف بيت لك بنيته تهده" قدام عيني بالحقيقة والاحلام القلب مختارك ولاحدٍ يرده00 عثمان الرشيد - الرياض لعيناك يالمجمول نقول قدام واللي طلبته حالفٍ مانرده غلاك قلبي كاتبه بأسمك وشام خمسة حروفٍ دقهن فوق خده شلاش بن بلال العنزي -الرياض بيت الغلاء ياصاحبي محكم احكام جزل المعاني والمعاني تسده بعض التوجد راح عمره بالأحلام كم واحد خله نكر صار ضده هيضت قلبي يا حمد شلت الأقلام جاراك شاعر بيح الوجد سده عبدالمحسن المحيسن. رياض الخبراء بيت الأسبوع الاسبوع قبل الماضي اقترحنا ان يكون موضوع البيت اختياريا للشعراء بطرح البيت وموضوعه وبيت هذا الأسبوع للشاعر فهد بن عقيل الطويان من بريدة ويقول: لاصار لك عند الرديين حاجه خله ورب البيت يغنيك عنها نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس (4871070/ 011) ونرحب بطرح بيت الاسبوع وموضوعه مفتوح للشعراء
