الاسبوع الماضي كان بيت الاسبوع عن مقترح الاخ عضيب الزايد حول ضرورة توعية المتنزهين في البر بترك المكان افضل مما كان: للشاعر علي رشيد الرشيد من رياض الخبراء ويقول: ياقاصدين البر خلوكم قروم ترى النظافه للمكاشيت عنوان وقد كان صدى الشعراء: خلوا النظافة دايمة طبع وسلوم خلوكم القدوة على كل إنسان بعض البشر يترك مكانه ومركوم زبايل(ن) يا للأسف قلت غلطان هذا فعل يا ناس بالحيل مذموم ترى النظافة واجب(ن) وأنتم العون محمد بن عبدالعزيز الخنيفر-أشيقر البر في تالي الزمن صار مظلوم من جور ناس تدهله بعض الاحيان ويلي كشت بجو خالي من القوم جو نظيف والزهر فيه ألوان حافظ عليه ولا تخليه معدوم ترى النظافه كلها دين وايمان حمد عبدالله الوايلي-حوطة سدير عندي نصيحة للمكاشيت ملزوم ملزوم اقوله للاجانب والاخوان نصيحتي يافلان لا ترافق رخوم حاول تنظف موقعك قدر الامكان خله مثل ماجيت في آخر اليوم هذي حلاة الناس في كل الاوطان محمد ابودحيم - البدائع يا شين بعض الطبايع والسلوم عادات شفناها بها الكل حيران من شاهد الريضان ينصاب بهموم أشياء تقزز تجلب الهم وأحزان واجب رقابة بالمواقع وملزوم توعي ضماير نايمة ليت يا أخوان ريان محمد الخنيفر-الرياض ياطالع(ن) للبرلو طلعتك يوم ترى النظافه نوع من نوع الايمان حافظ على نظافه البر ملزوم لا رحت من منزلك ينزل به افلان سعد صنهات السهلي- الدرعية عليك بالبران لاصرت مهموم ترتاح نفسك بين عشب وغدران وياماحلا المكشات في روض ماسوم البر بين الناس ربع(ن) وخلان حقه نظافه بيننا حق معلوم البر مثل البيت ملك وسكان عبد المحسن بن محمد المحيسن -رياض الخبراء تجلس على ازهار وبقرا وقيصوم ولي قمت لحفت الخضر روث خرفان كما تحب انك ترى الزين لك دوم طبق على نفسك يقتدي بك انسان في كل كترٍ النفايات بالكوم ترى النظافه يا عرب جزء الايمان عبدالعزيز سعود الهزاع - نعام الى نزلتوا منزل زين ومخدوم ادعوا لمن هو قبلكم نظّف وصان ثم صيروا اطيب منه في طلعة اليوم في حسن ترتيب ونظافة واتقان وكل كرتون(ن) فضا يحط للكوم سلة نفايات ويحرق بنيران عبدالعزيز الصالح - حائل مخلفات البعض كومٍ على كوم وسط البراري شي مخزي وعدوان في ملة الإسلام والعرف يا قوم نظافة البيئة فرض عين وايمان الدار غالي سهل وتلال وحزوم ولا يشوه موطنه غير شيطان علي آل زولان الفيفي - بيشة البر يضبط كل ما صارت غيوم والطلعة الحلوه ترى شانها شان لكن للطلعة قوانين واسلوم من يتبعها يعتبر فعلا انسان بنظافة المكان بتصير ملزوم حافظ على البيئة وخلك كحيلان سلطان سعد السهلي - المجمعة البر زان وكو مازان ذا اليوم يبغي النشاما اللي على قلب واخوان من كل منهم يسبق اخيه لا يقوم ماوده انه يسبقه كائنٍ كان وده يشب الضو ثم يدرج علوم ويجهز الدله وتمر وفنجان وترى النظافه مطلب دايم الدوم تقفون يا الاخوان خلوه عنوان مبارك بن محمد بن طرجم - وادي الدواسر هذي مكاشيت لها اوقات وسلوم يا ناس هي لاهل البلد اهم سلوان حلاتها بواد خضر حوله حزوم ماحد بشبوك أو تحذير واعلان ياالله تعافى قايد الشعب ويدوم ينظم برارينا بتخطيط واتقان صالح عبدالله نامي العصيمي - الرياض يا ما حلا الكشته وناسه بلا هموم في رملة وسط البراري مع اخوان نظيفه جميله هرج وعلوم ولا من سرينا جاك كاشت وبدوان يقول در اللي قعد صدق مرحوم نظف مكانه بل وربعه له اعوان عبدالعزيز بن مقبل البشاري البر له حق على كل شغموم اليا نواه من المدن كل طفشان الياطب روض بين وديان وحزوم روض خضر مسقيه بالوسم ودان حافظ على نظافته دايم الدوم مدام جوه يبيض الوجه لك زان الاسود هندي العنزي بيت الاسبوع تجاوبا مع مقترح الأخ وليد عبدالله السند حول ظاهرة الاخطاء الطبية بالمستشفيات ارسل للصفحة الشاعر سالم البشري من الجبيل هذا البيت كان الخطأ اصبح ظاهره راحت ارواح ماعاد تفرق دون قصد او عمدها نستقبل صدى هذا البيت بثلاثة أبيات فقط تدور حول هذه القضية الهامة، ويفضل الإرسال عبر الإيميل [email protected] او على الفاكس (4871070/ 01) مقترح لموضوع بيت الأسبوع المقبل ارسل للصفحه الاخ عبدالله الغبيني من حايل موضوعا لبيت الاسبوع القادم وهو تأخر توزيع الاراضي السكنيه من البلديات
