اللغز

كان كاتب اللغز الماضي الشاعر علي رشيد الرشيد من رياض الخبراء والذي يقول:
أنشدك عن عذراء يحسب له حساب
مجيها محدود بالعام مره
رجالها من خلفها يطرق الباب
بالبيت تدخل والبراري تمره
وتوصل للحل شعرا:
نشهد انك ياعلي دوم مضراب
للامثله والطيب عندك مقره
والمربعانيه تعذب بالاصحاب
اطفالهم تبرد ومعها مضره
نايف بن سعيدان الشمري - فيد
ياهي غثيثه بردها يجمد اعصاب
المربعانيه برد شين مره
باليل نسمرها مع اصحاب واقراب
والنار شبه عادةً مستمره
احمد هنود الحربي - بريده
ياعلي يابن رشيد يا أعز الاحباب
بنتك عسى المعبود يكفيك شره
كم واحدن تسطي بجسمه بالانياب
المربعانيه كل حي تضره
زبن مقبل العنزي - بريدة
من الساحل الشرقي تحية وترحاب
للي بنى لغز خفي مقره
المربعانية هي الحل يا أحباب
واللي يجيه البرد يمكن يضره
طلال الرشيد - الجبيل
لغز الجريدة جامع بين الاحباب
واللي بناه اليوم لله دره
اللغز حليته مثل حل الاصحاب
المربعانيه ترى الحل سره
عبد المحسن بن محمد المحيسن
راكان يا راكان قم سكر الباب
البرد ما يرحم وجسمك يضره
راكان شب النار يدفون الأحباب
المربعانية براده تكرّه
محمد أبو دحيم
يا محلا المجلاس مع بعض الأحباب
واللغز هذا كل دولة يمره
واللغز هذا متعب كل حطاب
المربعانية بخيره وشره
راكان عبدالرحمن العريني
انا قريت اللغز وأعجبني إعجاب
وتستاهل التقدير مليون مره
ترى المربعانية برد ما تدفي ثياب
يا كود سمر في جذوعه تجره
وبعده يجينا شباط يقرقع بالأبواب
هذا هو حل اللغز واللغز كره
حبيب فريح الشامي - البدائع
يا مرحبا ترحبية لأجل الأحباب
البرد ما يرحم بمدنه وبره
المربعانية بها ناس تنصاب
بعده يجينا شباط برده يكره
فالح غازي الحربي - رياض الخبراء
الحل واضح ياطويلين الاشناب
ثوبك عن العذرا لزومن تزره
المربعانيه لها وقت وحساب
وشباط يتبعها وهي ماتغره
عايض المويعزي - الرياض
حتى ايش لوحطيت فروه وجلباب
من لا يحسب احساب يمكن تضره
ولي عجوز بردها يجمد الباب
يا شينها ياقشرها كل مره
سطام خليف المرواني - الرياض
للغز واضح مايبي حرقة اعصاب
وبعض الالغاز معقدة الف مره
المربعانيه حاست الكل يا عقاب
واللي وراها يكفي الناس شره
فراس الحربي - الرياض
تسقط بوسط البيت ماهي مع الباب
عجوز قشرا بردها حيل مره
المربعانية ترا تخوف اشناب
توصي علينا اشباط لاهب غره
خليف فهيد الحربي - الرياض
يا مرحبا واللغز واضح وجذاب
لو كان حله للبنادم مضره
البرد جانا والشتاء جاك جلاب
للمربعانية سمرنا وجمره
صلاح بن عبدالله اليابس - الدمام
(المربعانية) وكلٍ له أسباب
بردٍ قوي، يخوَف الناس ضُرَّه
وان طالت الغيبه ترى شباط طلاب
وسبب لأهل البيت ضوضا وصَرَّه
عبداللطيف الحُمَيَّانِي - عنيزة
يا وبو رشيد اللغز يطرح للاحباب
واهل الخزامى واللي البرد ضره
عشرين مع عشرين حسبه لمن صاب
اشباط رجاله يجي مع ممره
عبدالله الرفيعي - البكيرية
المربعانية لها حساب بكتاب
من لا حفظ جسمه لازم تظهر
رجالها اشباط بالبرد ما غاب
ولي يشب النار لله دره
هزاع العتيبي - ثادق
لغزك يابن رشيد مدروس كتاب
المربعانيه شباط تجره
تكثر بها الكشتات والنار يا أحباب
تستأنس وعينك مناظر تسره
عبدالله علي الحوشاني - الرياض
كما ارسل حله نثرا عبدالرحمن ابراهيم المشعل من الرياض
لغز الاسبوع
لمحرر الزاويه عادي الشمري والذي يقول
ياويش بنت يوم تولد كبيره
وتصغر مع الايام حبه وحبه
تجمع لشر وخير لاطق زيره
ومكروهة مافيه حي يحبه
ماشيف له زول ولا له عشيره
ولاينعرف سيله ووجهة مصبه
نستقبل الحلول عبر الإيميل
rb-khozama@alriyadh.com
أو الفاكس 014871070
كما نرحب بطرح الألغاز الجيدة