اللغز

كان كاتب لغز الاسبوع الماضي الشاعر سعد صنهات السهلي من الدرعية ويقول:
ويش رجلن يرفع الضغط والعالم تبيه
البشر كل البشر عنه ما تقوى الغناة
الاوادم ترغبه بس ما ادري ويش فيه
له مهمه لازمه ما يحققها سواه
وقد توصل للحل شعرا:
ليا نزل الضغط إنا أروح يمه واشتريه
بأرخص الاثمان تلقاه ويعجبني دواه
ولارتفاع ضغطك أبنصحك لا تدور عليه
ملح .... يدمر الجسم لا منه غشاه
نايف سعيدان الشمري - فيد
اللي ما حل اللغز لازم تشره عليه
(الملح) يا سعد ها الحين هو سر الحياة
كل قدرن من قدور العرب تلقاه فيه
هذا اللي ظهر لي من اللغز وخفاه
معاتب الو ايلي
النبات وكل كائن ترى الأملاح فيه
كل ها العالم بلياه تنعدم الحياه
من القصب والعوشزيه لزوم نشتريه
ياسعد ملحٍ طبيعي ما هو صناعي تراه
عبداللطيف الحُمَيَانِي - عنيزة
يا سعد حل الغطاوي تبي رجلن نبيه
يعتني باللغز ويفك دايم محتواه
البحر لو مر عطشان لا لا ما يبيه
بس ملح الزاد ما للبشر عنه غناه
صالح بن ابراهيم السنيدي - الحريق
حنا بعصر يشتكي كل شخص من اللي فيه
ومن شكى لي اشتكي له ويقنع من هواه
والله اني ما احبه ابد ولا ادانيه
والملح عدو الانسان سوى بي سواه
خليف فهيد الحربي - الرياض
مرحبابك يا سعد حل لغزك نحتويه
عارفين مقصدك عارفين مبتداه
ملح حله يا رفيقي وحنى نشتريه
من يكثر في الطعام يتنكد في غداه
علي رشيد الرشيد - رياض الخبراء
جاك حل اللغز يالقرم من رجل فقيه
كل شيء فاهمه ياعرب سبت ذكاه
كان تبغى الحل تراه ملح نشتريه
جابه الشراي بالحال يملح به غداه
حبيب فريح الشامي - البدائع
يا هلا يا مرحبا حي لغز منتقيه
لغز موزون تمام نعرفه مبتداه
حل لغزك واضح من رمعت الحل فيه
ذاك ملح في الطعام ورخيص مشتراه
فالح غازي الحربي - رياض الخبراء
عد ما يصرف من ريال وإلا من جنيه
مرحبا باللي بنا اللغز وايضا من قراه
الطعام اللي بلا ملح ما حدن يشتهيه
كل منا وسط زاده عشاً وإلا غداه
غنام صالح بن مزيد الحربي - الرس
يا سعد اللغز واضح أو مشكور عليه
الملح كم رفع للضغط ورفع مستواه
والطعام بدون ملح ما حد يشتهيه
والوسط بالشي والله ما مثله حلاه
أسيل سعود الحربي - جدة
وعلى وزن اخر
هوجست أنا بالحل وبانت مواريه
وعرفت أنا حله وجاكم مسماه
ملح الطعام اللي على الزاد نبغيه
ويشينها الكبسه ليا صار ننساه
راضي علي المطرفي - الخرج
كما توصل للحل نثراً: عبدالرحمن ابراهيم المشعل - الرياض، ربيع سالم العبدلي
لغز الأسبوع
كتبه للصفحة الشاعر محمد ابو دحيم من البدائع ويقول:
انشدك عن شيء تشوفه على الجيب
واللي يجي قدام دائم يشوفه
يقلط مع الحكام مابه عذاريب
وكم واحد قد صافحه في كفوفه