كان كاتب اللغز الماضي الشاعر علي ال زولان الفيفي من بيشه والذي يقول ياويش بنت تعشق البعض بالحيل ولا عشقها غير مرغم ومجبور تخضع لها الاجيال جيل ورى جيل شفها بذيك النايفه داخل السور منزالها عالي بروس القناديل وبعض الاراضي تعكس الضي والنور وقد توصل للحل شعرا: حييت يا الفييفي على كل تحليل ونته على ماقيل للغز دكتور الحل صلعت شايبن مثل ماقيل انور من وجهه ترى يقتبس نور عودن لحق وقت المغازى على الخيل بالمرجله وطيب والخير مذكور سعد صنهات السهلى - الدرعية اللغز واضح مثل ما ياضح سهيل يغيب مدة ثم يطلع على الدور فتش وتلقى الحل بروس الرجاجيل روس الرجال مصلعه مالها سور حبيب فريح الشامي - البدائع اللغز جانا بنجد من يمَّة إسهيل للفيفي الوافي به الطيب مذكور ينشد عن الصلعة بروس الرجاجيل بالغصب وألا المُوس خلاه مقشور فهد بن عقيل الطويان - بريدة حييت ياللي قلت من يمة سهيل وانا لحل اللغز يالقرم دكتور بعد اربعين تشوف بالراس تبديل صلعه عقب ما كان بالشعر معمور احمد بن ناصر المحرج - الرياض اهلًا يابن زولان مايلحقك ميل عساك يالخير بالإحسان مذكور الحل صلعه فوق روس الرجاجيل واللي يحل اللغز تلقاه مسرور علي رشيد الرشيد - رياض الخبراء الحل في راسي ولا فيه تبديل صلعه برأس العود ويشع به نور موجودة في راس بعض الرجاجيل واللي حملها صح مرغم ومجبور محمد ابو حيم - البدائع لغز الاسبوع ارسله للصفحة الشاعر عبدالله سمير الحربي من بريدة ويقول ويش رجل بالمواقف له خوي وحبة من خردل يرجع وراه من قنع بالعلم نعتبره سوي واللي ما يقنع يعض اصلب حصاه
