كلٍ وما يكتب له الرب يا زول لا شدةٍ دامت .. ولا لنشراحي وين النياق اللي لها فالمحل خيول من عقبها لا عاد تبغى المراحي تقعد كذا والله مهوب معقول دوّر لهم فالليل .. ولا صباحي دوّر لهم في الارض بالعرض والطول دوّر وتلقى كاسبين المداحي غنام مسعود القريني - نعام يا زول ياللي سهمتك للرقادي فك الطلي خله من العشب يرعاه ماكنه الا طفل بعد المهادي أمّه تخاف يروح ما عاد تلقاه مربوط رجلٍ والمفالي بعادي عز الله اللي مات ويلاه.. ويلاه خالد ناصر المخيمر - روضة سدير رابط خروفٍ جذع في ساقه الايسر بيحط راسه وخاف الساكلي يكفخ عامل تشادي اظنه او من النيجر مدري يبي بيعته او قصده المصلخ سعود عبدالعزيز الهزاع - نعام راعي الغنم يشبه السوّاق يسوق الاغنام بعصيّه ونوم الرمل لينن ورقاق لا صار في ظل سدريه وخريّفه رابطه بالساق يخاف ينحاش ابو ليّه عبد العزيز الصالح – القصب الفرصه اللي من أول كنت تغنمها ماعاد لك عقب ربطك في القدم فرصه ريّح وعلّم شياطينك وفهمها هذا الزمن غير والرغبات مختبصه عويد بن سعيد الواهبي - بيشة الله يعين التيس ويوفق الزول التيس تيس ولا من الزول فكه الذيب يرسل له ثمانين مرسول والزول رجله كل بابٍ تصكه فارس الثبيتي الحرص في جلّْ المجالات مطلوب وهذا الذي تشوفه العين بالصوره ربطه طليه بالحبل أمرٍ مرغوب فالنوم سلطانٍ وحال الرجل مستوره حي الخزامى يكتب بها كل محبوب وتلقى بها حلو النبا والمشوره سعود عائش الحربي ياللي ربطت الهرفي اطلق سراحه اطلقه وخله مع الاغنام يسعى توّه صغيّر خلّ عنك البجاحه خلّه مع أمّه يرضع اتركه يرعى إبراهيم البليهي - الشماسية نستقبل مشاركاتكم على إيميل الخزامى: [email protected] أو الفاكس رقم: 0114871070 ونرحب بما تلتقطه عدساتكم من الصور الهادفة والطريفة .. ويا هلا ومرحبا صورة العدد السابق
