اللغز

كان كاتب اللغز الماضي الشاعر أحمد صقر الموسمي من الرياض ويقول:
أنشد العراف عن رجلن قوي
سلطته تلزمك في كل الحياة
من فعوله ضاع وقتك يالخوي
سلطته تبطل ليا ناش المياه
وقد توصل للحل شعرا:
احمد الصقر الخليف الموسمي
مرحبا بك وبزمالانا الهواة
اشهد انه يطوي العمر طوي
نومنا الله لا يكدر له حلاة
عبدالعزيز الصالح --حائل
ياهلا يامرحبا لغزك قوي
اشهد انه عالي في مستواه
نوم حله يلوي الصاحي لوي
يطرح الإنسان لو هو ما بغاه
علي رشيد الرشيد - رياض الخبراء
لغزك المطروح نومك ياخوي
كم واحد نام ما خاوى أخوياه
اشهد ان النوم سلطان قوي
هذا حل حجاك يا راع الحجاه
محمد ابودحيم - البدائع
يا احمد اللغز الحقيقة مستوي
فيه ميزه واضحه في محتواه
حله النوم ان بغيته لك خوي
يلزم الإنسان في كل الحياة
فالح غازي الحربي - رياض الخبراء
مرحبا واللغز لو يلوى لوي
ننقضه يالين ما نبحث خفاه
مايغط النوم رجلن مهتوي
وما يضيع الحل عند اللي قراه
صلاح بن عبدالله اليابس - الدمام
لغزكم يابو صقر لغزن قوي
كم غلام يجهله لا من قراه
قلت هذا النوم خوان الخوي
كم غلاما لا رقد كب الصلاه
سعد صنهات السهلي الدرعيه
وحله نثرا
خليل البلوي/ الجبيل
لغز الأسبوع
كتبه للصفحة الشاعر احمد بن ناصر المحرج من الرياض والحل يقتبس من الامثال الشعبية ويقول
دوكم جديد اللغز يا نسل شمر
ثم انشره لضيوفنا فالخزامى
شي قديم حيل شكله معمر
قالوه من قبل الرجال القدامى
اليا بغيت يصير شغلك مثمر
وترتاح في عيشتك دوم الدواما
انشد قبل ياصاحبي لاتدمر
عن راعيتها كان تدرا الملاما
نستقبل الحلول عبر الايميل:
rb-khozama@alriyadh.com
أو الفاكس: 0114871070
كما نرحب بطرح الألغاز الجيدة