اللغز

كان كاتب لغز الاسبوع الماضي الشاعر خليف فهيد الحربي والذي يقول
وش هن ثلاث إبكار صفرن على الكيف
يا حلوهن يا زينهن بالمكاني
خذن لهن ست سنوات مواليف
ما يشربن ما يا كلن قحوياني
جاهن شجاع وشرد الصفر يا حيف
وأقام في مكانهن له زماني
وقد توصل للحل شعرا:
ثلاث وينحطن على الكتف تشريف
احدن يعلقها واحد بالاماني
هذا جواب اللغز من دون تحريف
رتبة نقيب وتاج عقب امتحاني
احمد بن ناصر المحرج - الرياض
دوك الجواب اللي فهمناه ياخليف
ياشوق عنق الريم صاف الثماني
رتبة نقيب وعقبها التاج تشريف
واللغز واضح للرجال الذهاني
ناصر الهديرس - العوشزية
يا مرحبا ترحيبة القرم للضيف
اللي يهلي منْ فصيح اللساني
اللغز وارد كلّ شطرا ً بتوصيف
والحلّ نجْمات ٍ ثلاث ٍ حساني
مقرن بن متعب الهرف - الرياض
نبي نشارك مع هل العرف ياخليف
في حل لغزك يافصيح اللساني
رتبة نقيب وزادته صح تشريف
لخدمة وطن في كل وقت ومكاني
هادي عوض الحربي - قبة
يامرحبا مليون حييت ياخليف .
. واهل الخزامى ربعنا من زماني
اللغز واضح ما مع الحل تكليف .
. نجوم فوق الكتف والحل باني
علي رشيد الرشيد - رياض الخبراء
ابشر بحل اللغز ياصلك ياخليف
نجوم بكتف العسكري له مكاني
والتاج رحلهن بليا تكاليف
والله يسقي فيضة القحوياني
محمد ابودحيم - البدائع
عندي جواب اللغز ماهي سواليف
نجوم وتاج الحل يالمودماني
نجوم قبل التاج من غير تحريف
والتاج جاهن واستحل المكاني
حبيب فريح الشامي - البدائع
قريت لغز خليف واقول ياخليف
اللغز جزل ولايبي ترجماني
صفر النجوم الثابتات المشاريف
رتبة نقيب ٍ فوق متنه ظماني
فايزموسى البشري
يامرحب ياخليف ترحيب بالضيف
في خايع (ن) نبت الخزامى غشاني
من بعدها ياصلك حل (ن) مع الطيف
نجوم ن قبل تاج ن على الكتف باني
فزاع عبدالله الشمري - حائل
يا بن فهيد اللغز به قو توصيف
وانا اشهد انه وافي بالمعاني
انا بحله دون جهد وتكليف
هذي ثلاث نجوم بافضل مكاني
فالح غازي الحربي - رياض الخبراء
الله واكبر كل ماشعشع وشيف
نجم(ن)غداله بالعتيم المعاني
عقبه جواب(ن)لابخرص(ن)ولازيف
مايخطي الشاره واكيد ارمعاني
رتبه نقيب(ن)كانت انجومه اصفيف
والتاج بعددها عيانن بياني
خالد القحطاني
يامرحبا ترحيبة الضيف ياخليف
ارْحب بعطر الفل والأقحواني
تاج على الرائد ( جميل) التواصيف
أبْعد ثلاث نجوم والكيف زاني
عبداللطيف الحُمَيَّانِي - عنيزة
خذ حل لغزك في بويتين ياخليف
بعد التحية لك وأحلا الاماني
نجوم النقيب ولا حصل زود تشريف
تبدل بتا ج ويستحق التهاني
عبدالعزيز الصالح - حايل
لغز الأسبوع
كتبه للصفحة الشاعر علي الصالح من حائل ويقول
ياويش بنت ن رابح من عشقها
لها ولد عم سوا بالوظيفه
يوخذ لها زادن يغذي ورقها
وتحمي جماعه والجماعة عنيفة
نستقبل الحلول عبر الايميل:
rb-khozama@alriyadh.com
أو الفاكس: 0114871070
كما نرحب بطرح الألغاز الجيد