اللغز

كان كاتب لغز الاسبوع الماضي الشاعر علي رشيد الرشيد من رياض الخبراء والذي يقول:
انشدك عن عذراء تجي بعض الاطراف
من تحت ورع والخلايق تشوفه
سوادها يظهر علن يوم ينشاف
مشيه خفيف ولا يشكل كلوفه
وقد توصل للحل شعرا:
يا علي وصفك صعب من بدالوصاف
اقراه واشوفه وكني ماشوفه
رضه خطا من تحت الاظفار تنشاف
زله وزله ما تفيد الحسوفه
سعد صنهات السهلى الدرعيه
لا صار فيه اصابة ٍ ما بها خلاف
كدْمهْ تحتْ ظفر ٍ بسيطه ظروفه
ما فيه داعي تطلب ارقام الاسعاف
مرهمْ معا شاش ٍ ولا به حسوفه
مقرن بن متعب الهرف-الرياض
قريت لغز(ن)وافي وكامل اوصاف
ونفسي على حله حريصه شغوفه
كدمه تجي تحت الظفر مابها خلاف
تروح من حاله ولاهي حسوفه
احمد بن ناصر المحرج/الرياض
الحل رضحه تحتوي بعض الاطراف
واسبابها الشاكوش سوداء تشوفه
اليا ضربت اصبعك فالشغل ينعاف
تاخذ لها مدة وعينك تشوفه
محمد عبدالرحمن ابودحيم - البدائع
انا قريت اللغز والحل ماطاف
بعض المشاغل شفت منها الكلوفة
حذرا تصيب المطرقة بعض الاطراف
من ضربته يبقى سواد وتشوفه
حبيب فريح الحربي - البدائع
يامرحبا بك عد ساعي ومن طاف
واللغز حله جاك يمكن تشوفه
عبر الجريدة يكتبونه وينشاف
من ضربة الاصبع يشوف الكلوفه
بدر عبدالله السلطان - الرياض
ياعلي حل اللغز واضح بالاوصاف
شاعر وجبت اللغز مابه كلوفه
الرضحة اللي تحت الاظفار تنشاف
سوداء صغيرة من زمان معروفه
فالح غازي الحربي - رياض الخبراء
لغز الاسبوع
كتبه للصفحة الشاعر كتبه الشاعر/ عبدالهادي فهاد العرجاني من الأفلاج ويقول:
انشدك عن بنت تجي وسط رجال
ولا جات وسطه زادته مقدريه
من دونها ما له مع الناس منزال
وهي بدونه ما لها قابليه
يا ما لها من موقف يشرح البال
خصاً ليا صار العلاقه قويه
نستقبل الحلول عبر الايميل:
rb-khozama@alriyadh.com
أو الفاكس: 0114871070
كما نرحب بطرح الألغاز الجيدة