اللغز

كان كاتب لغز الاسبوع الماضي للشاعر صلاح بن عبدالله اليابس من مدينة رحيمة ويقول
ما واحدن خابره مبطي وهو واحد
والناس تدري عن أوضاعه ومسكانه
سمعت قبل أمس قالوا رافقه واحد
تشاركوا كلهم في محتوى الخانه
وقد توصل للحل شعرا:
زاد العدد ياصاحبي بالمدن واجد
وعزيزي المتصل نعمل على شانه
ياطالب الخط زيد العاصمه واحد
واللي نجح يتصل ويبشر اخوانه
شلاش بلال العنزي - الرياض
اهلا هلابك عد من وحد الواحد
ترحيبة من عبير المسك مليانه
رمز المناطق زاد بعد الصفر واحد
يفتح مجال لزود ارقام سكانه
نايف خليفه الشمري/الجبيل
الحل واحد تراه مزودن واحد
مفتاح للعاصمه نشوفه وعانه
اللغز ياللي كتبته واضح وارد
والخط قال المثل يكشفه عنوانه
سعد صنهات السهلي/ الدرعيه
مفتاح الرياض اليوم زادوه واحد
اضبط رقومك وتاصل لين عنوانه
يخف ضغط المقسم ذالحكي وارد
ترتاح نفس البشر ماتصير طفشانه
احمد ناصر المحرج/الرياض
سلام يهل الخزامى واحد(ن) واحد
ولغزك يبن يابس من الهاتف اعلانه
الصفرواحد اضافوا له بعد واحد
في رقم فتح الرياض ووشومن شانه؟؟
عبدالعزيز الصالح /حايل
سبحان اللي دائما متفردا واحد
والناس تسعى لكسب رضاه وجنانه
رمز المناطق هو اللي رافقه واحد
واشغل عليه المرتبه في اول الخانه
فهد العويجان/الرياض
الطيب لاهل الوفا ماني لها جاحد
باقات وردا ً تفوح العطر ريانه
صلاح خذْ رمعتن ما جبتها شاحد
واحد بمفتاح هاتف صار بوزانه
مقرن بن متعب الهرف./الرياض
يامرحبا بك عد ما يسجد الساجد
تحية وافيه بالحب مليانه
مفتاح للعاصمه ولا احد جاحد
عقب التغير يزيد الرقم له خانه
علي رشيد الرشيد - رياض الخبراء
مفتاح للعاصمه منول واحد
من طلعة الاجهزه معروف عنوانه
واليوم ياربعنا زيدوا معه واحد
يازين طرقه وسطور اللغز مليانه
محمد ابودحيم - البدائع
قلت استعين الله جل من واحد
ولاخاب من يستعين الرب سبحانه
رياضنا زود الهاتف لنا واحد
وارقامه التسع زادت واحد وزانه
ساير مخلف التريباني
تغيرت الأمور وماحدٍ خالد
سبحانه مدبر الأكوان سبحانه
ثم نتصل بالرياض ونزود الواحد
من عدة أيام وأنا قاري إعلانه
عبداللطيف الحُمَيَّانِي / عنيزة
صحيح علم سمعته ماجحده جاحد
وعصر التطور نشوفه حطة اوزانه
الواحد اللي نزل في خانة الواحد
مفتاح للعاصمة يوم ارتفع شانه
عوض لافي الرشيدي /حفر الباطن
كما توصل للحل نثرا
علي محمد الزهراني
عقلاء بن مثقال العبدلي
لغز الاسبوع
كتبه للصفحة الشاعرعلي رشيد الرشيد من رياض الخبراء ويقول
انشدك عن عذراء تجي بعض الاطراف
من تحت ورع والخلايق تشوفه
سوادها يظهر علن يوم ينشاف
مشيه خفيف ولا يشكل كلوفه
نستقبل الحلول عبر الايميل:
rb-khozama@alriyadh.com
أو الفاكس: 0114871070
كما نرحب بطرح الألغاز الجيدة
تنويه واعتذار
نظراً لازدواجية المشاركات في زاويتي (صوت الصورة واللغز) نعتذر عن نشر الأسماء المتكررة في الزاويتين.. وعلى الشاعر اختيار احدى الزاويتين