اللغز

الأسبوع الماضي كان لغز الأسبوع من طرح الشاعر صلاح بن عبدالله اليابس من رحيمة والذي يقول:
أنشدك عن بنت تجي داخل البنت
صكوا عليها داخل البنت من سان
يبدا عملها بالهوى لاتمعنت
لاذعزع الغربي تفاعل بالاركان
وقد توصل للحل شعراً كل من :
يابو مهنا مرحبا فيك لا هنت
البنت لوهم سكروا دونها تبان
هي حبة بالصافره لاتبينت
ولصافره لولا الحكم مالها شان
سالم البشري- الجبيل
لاهنت ياشوق الغنادير لاهنت
ولاهان من شارك بالألغاز فنان
هي خرزة بالصافره وأنت أحسنت
وأسلم وسلم لي على كل الأخوان
محمد بن ابراهيم أبو معطي - الدوادمي
جبت القدوع وللجريدة تناولت
وقريت لغز كاتبه طير حوران
الصافرة مع الحكم داخله بنت
هذا اجواب اللغز واللغز مليان
محمد بن عبدالرحمن أبو دحيم -القصيم
ياللي كتبت اللغز ياخوي لاهنت
اسمع جوابي ضمن إجابات الاخوان
البنت تلقها مثل منت بينت
بالصافره تسكن لها صوت رنان
علي رشيد الرشيد- رياض الخبراء
الحل بالميدان لامن تمعنت
من الحكم واللعب في وسط ميدان
الصافره في داخله بنت لاهنت
هذا جوابه كان مانيب غلطان
تركي بن عبدالله العريني- القصيم
يامرحبا حييت يوم أنت أعلنت
واللغز حله جاك ياخال عجلان
الكوره اللي داخل الصافره زنت
وعلومك أيضاً زاينه يابليهان
الوليد بن محمد ابو معطي - الدوادمي
يا بادع الألغاز للفكر لاهنت
ولاهان من ينشر جميلات الألحان
هي حبة بالصافرة يوم بينت
تصونها فيها يطولن الازمان
سعود عائش الحربي- جدة
لغز الأسبوع
٭ كتبه الشاعر سعد بن مويزر مشعان البدراني من الرس ويقول:
أنشدك عن جملة رجال معروفين
والكل منهم بين في وصوفه
جمله وداروا مع بعضهم سريعين
لين أصبحو ا واحد بعينك تشوفه
نستقبل الحلول على الفاكس رقم 4871070 صفحة «خزامى الصحارى». زاوية لغز الأسبوع.
نظراً لكثرة المشاركات التي ترد ل«الخزامى» صوت والصورة وحل اللغز فإننا نعتذر عن نشر المشاركتين وسوف يكتفى بمشاركة واحدة بإحداهما، كما نأمل من الأخوة الشعراء المشاركين الكتابة بخط واضح وعدم استخدام الورق المسطر، ونرحب دائماً بمشاركاتكم وتواصلكم وبطرح الألغاز الجديدة والمفيدة.