اللغز

الأسبوع الماضي كان لغز الأسبوع من طرح الشاعر/ دغيم فهد الخمشي والذي يقول:
رجل حمل في بنت والناس دارين
بعد العشار تزوجه من بناته
أمر شنيع ولا يزعل هل الدين
بعد الولادة يفقدنه خواته
وقد توصل للحل شعراً كل من :
يامرحبا حييت وأهلا وسهلين
واللغز يادغيم كثيرة صفاته
هو الجوال وبالشريحه ثلاثين
وإلا شحنته بالبطاقة حلاته
صلاح عبدالله اليابس - رحيمه
الهاتف الجوال لو مظهره زين
في تالي الشهرين تبدأ الشماته
فيه الشريحه نوع والخط نوعين
وكل يبيع ويشتري في حياته
عبدالرحمن عبيد العازمي/ الخبراء
يا دغيم بن فهيد لاهنت هلحين
نرسل جوابك والخزامى مباته
جوال وإلسانه شريحه وهي عين
ينسخ لها وتعطيه داخل عباته
فهد بن عقيل الطويان - بريدة
يابو فهيد حييت عد الملايين
وإعداد رمل النفد وايضا نباته
واللغز خذ حله على الفاكس ذا الحين
شريحة الجوال باسفل غطاته
علي رشيد الرشيد - رياض الخبراء
سلام يااهل اللغز تسعه وتسعين
سلام احلى من المطر من طخاته
اللغز بالمية ثمان وثمانين
شريحة الجوال معضم صفاته
نافع الحربي - الرياض
أنا احمد اللي خالق الناس من طين
الواحد اللي ما تعدد صفاته
لا انعامه الرحمن ما احنا بمحصين
والهاتف الجوال من مكرماته
صالح بن عبدالله التميمي
كما توصل للحل نثراً كل من :
متعب فريح التريباني/ الرياض، ملفي حمدان العنزي/ الرياض، مغيران ندا الرويلي/ القريات، سلطان مجدل المطيري/ حفر الباطن، ناصر الهديرس/ الرياض، سعود رحيل العنزي/ تيماء.
لغز الأسبوع
كتبه / عبدالله الشمري من دولة الكويت الشقيقة ويقول:
في نهار فات شفت الشامخة
واعجبتني كنها قطعة ذهب
وتركت كل الرجال الكاشخة
واعشتقت له بنت وازداد العجب
شبهرت فيها وكنها ناذخة
وباسمها صارت تسمى ياعرب
نستقبل الحلول على فاكس 4871070
خزامى الصحارى - زاوية لغز الأسبوع كما نرحب بالألغاز الجيدة.