اللغز

الأسبوع الماضي كان اللغز من طرح الشاعر سعد بن مويزر بن مشعان البدراني من الرس والذي يقول:
أنشدك عن جملة رجال معروفين
والكل منهم بينٍ في وصفه
جملة وداروا مع بعضهم سريعين
لين أصبحوا واحد بعينك تشوفه
وقد توصل للحل شعراً كل من:
يا مرحباً باللغز هو والبراهيم
عقب البساطه لا تجيب الكلوفه
الطيف وألوانه مطارد إلى وين
لا جبتها طلبه فلا لك حسوفه
سالم البشري - الجبيل
أرسل سلام للخزامى ملايين
الصفحة اللي كل يوم نشوفه
واللغز حله ثابت بالبراهين
ألوان طيف تنكشف مع وقوفه
علي رشيد الرشيد - رياض الخبراء
مجهودكم يا اهل الخزامى العزيزين
مجهود يفوق الوصف شيٍ نشوفه
وشريط نيوتن واضح للملايين
لغزٍ جميلٍ وافياتٍ حروفه
صالح بن عبدالهل التيميم - الرس
يا مرحباً حييت وأهلاً وسهلين
بالشاعر اللي صاغ جملة حروفه
ألوانهم بالطيف والكل له عين
والسرعة في بعض المواقف كلوفه
صلاح بن عبدالله اليابس - رحيمة
لغز الأسبوع
كتبه الشاعر جمعان بن حشر عبدالله الدوسري من وادي الدواسر ويقول:
يا ويش رجلٍ دايم الدوم ظميان
يشرب ولا يروا ولو كان شايب
حلقه تحت بطنه ولا فيه كرعان
عجايب.. يا ويش هي من عجايب
٭ نستقبل الحلول على فاكس رقم 4871070 (خزامى الصحارى) زوية اللغز، كما نرحب بتواصلكم وبمشاركاتكم وألغازكم المفيدة والهادفة.