صوت الصورة

عطه غرامه رادعه وأربع أيام
توقيف ولاحظ كيف يضرب حسابه
لو طار كرتونٍ على الشارع العام
جاب الحوادث.. والتلف.. والإصابه
سعود بن عبدالعزيز الهزاع - نعام
يا سايق القلاب مخطي وغلطان
تستاهل التوقيف منع وغرامه
وسط المدينه شلت ماعاف الإنسان
أمر النظافه وين أمن وسلامه
فهد بن عقيل الطويان - بريدة
وين المرور وين عين الرقابه
تشوف هالقلاب واللي يشيله
صندوقه المكشوف ينثر ترابه
لوه يغرّم كان يعرف قبيله
سليمان بن عبدالعزيز السنيدي - الرياض
لامعه رخصه ولامعه استماره
فوق قلابي يشيل مخلفاته
ما عليه من النظام ولايهاب من الخساره
امنوه من العقوبه ودايم هذي سواته
حمد عبدالله الوايلي - حوطة سدير
الوعي ماجود والصورة مفيده
والامانه عندها كل الوسايل
والمواطن عندما يقرأ الجريده
ينتبه ويكب رميه للفضايل
غازي بن قاعد العتيبي - الدوادمي
معذور يا راعي القلاب
لا شراع عندك ولا لوحه
مابه مجازاة والا عقاب
أبواب الاهمال مفتوحه
محمد بن عبدالله الجلعود - القرائن
النظافه مطلبٍ في كل ديره
وصاحب القلاب يحتاج الرقابه
ليت منهو يوقفه باثناء مسيره
والغرامه واجبه وياخذ حسابه
محمد بن عبدالعزيز الخنيفر - أشيقر
غلطان يا راعي القلاب
الحمل امبعثر ولابه بابي
كلنا في هالوطن احباب
واللي يحب الوطن ماخابي
عبدالكريم عبدالرحمن السلوم - القرائن
تكفون يالربع جيبوا رقم صدامه
لا تتركونه يلوثنا ويوذينا
ترى الوطن كلنا جنوده وخدامه
صورة العدد الماضي
لازم على مثل هذا تكاتف يدينا
لطيفة محمد عبدالرحمن - الرياض
غريبه القلاب شايل بقايات
يا الله دخيلك من ردات النصيبي
والمشكله مخطي ولا فيه لوحات
العب ما دامه لا رقيب وحسيبي
عبدالله بن عاتق الغرابي - رياض الخبراء
يا صاحب القلاب وين النظافه
البا معدوم ولا فوقه شراع
لا من رقابه كيف لا واحسافه
يا ابن جبر قل له ترى مالها داع
ريان محمد الخنيفر - الرياض
الشيول اللي كراتينه محملها
وحطها في ظهر مرسدس قلابي
لا الله امبارك بها ولا الله مجملها
خسران من شالها خسران من جابي
غازي الحربي
أقفيت يا قلاب تحمل تباشير
للي شرى منك الخشب والنشاره
واللي تخلص منه بعد التفاكير
يقول من خزن قديمه خساره
أحمد العمري - جدة