الصبر

الصبر مفتاح الفرج والتساهيل
اصبر ترى للصبر عدة فوايد
منها تعرف الفرق فالعدل والميل
ومنها تجرب معضلات الشدايد
ومنها يعرفونك زحول الرياجيل
لا صار فالايام ناقص وزايد
ونعقدوها مخلفين الأقاويل
خلك صبور ومن وساع البنايد
ودخل مع الخصمين بالصدق فالقيل
ولا عن الاثنين خلك محايد
وبمر الله اللي يحيي الارض بالسيل
محيي العظام اللي بوسط الاحايد
تلقا عوضها في الليالي المقابيل
وترتاح من كثر الشقاء والنكايد
وبالصبر والحكمة تزول الغرابيل
حتى لون هموم قلبك تزايد
وشرب من الدله وسوق الفناجيل
وسلك طريق اهل الكرم والعوايد
وحرص على سلم الرجال الحلاحيل
اللي يحلون النشب والعقايد
وقدح صطر مع فزعة الجيش والخيل
وخلك مع أهل الطيب والطيب كايد
وليا زرعت الطيب تلقى المحاصيل
وترى الجميل ايدوم والمال بايد
وشعل من الفرحه شموع وقناديل
وغن البيوت الشاردات الفرايد
واللي على باب الحرم ساقت الفيل
فرقهم الله لين راحوا شرايد
عليهم الله مرسلن طير أبابيل
وميعادهم نار لهبها وقايد
ورغم الظروف القاسية والبهاذيل
إصبر ترى للصبر عدة فوايد
ماجد سلمان المريبيط