عواكيس 18/2/2005

[b]٭٭ الأخ معكوس.. المحترم..
الفنان فارس مهدي يقول سوف أشوه سمعتك يا خالد عبدالرحمن مادري من هو فارس حتى يقارن نفسه بفنان الجزيرة العربية؟
متعب صويان الشمري
- الله يستر لا تحول (مصارعة) ويصير فيها (خربشة) للعينين والعود والكمنجة!![/b]
٭٭ الأخ معكوس..
ودي أسألك سؤال وش رأيك في المتسابق السعودي في ستار أكاديمي هشام عبدالرحمن..
داما عبدالرحمن - الرياض
- أقول فشلنا الله يفشله هو وذا البرنامج السخيف اللي شبابنا اللي عليهم القيمة أكبر من التجاوب معه!!
[b]٭٭ الأخ معكوس..
أخوي معكوس بالله عليك وش رأيك بالحظ اللي دائما مع الهلال خاصة في النهائيات.
فهد جمعة العنزي/ سلطان راضي العنزي/ طارق زويد الحربي - الرياض
- أي ابو حظ.. هذا اللي يتعب ويخطط أما اللي يثير خرطة وخذ يا تصاريح وهجوم ماله داعي!![/b]
٭٭ الاخ معكوس..
وش رأيك في بعض البشر اللي يقارنون اللاعب ماجد عبدالله باللاعب سامي الجابر بالله فيها مقارنة؟
منيف راضي العنزي - الرياض
- أنا أشهد مافيه مقارنة خاصة أن واحد يشارك في كأس العالم للمرة الرابعة والثاني شوط مع الوقت بدل الضايع!!
[b]٭٭ الأخ معكوس..
وش رأيك بتصريح فهد الهريفي في كأس الخليج بعد مباراتنا مع الكويت كلامه واضح صح؟
استراحة الحزم, محمد قريبان, طلال الحربي,طارق الحربي - الرياض
- فهودي كلامه وجهة نظر خاصة انه (خبير) في التحليل وينافس (الشتالي)!![/b]
٭٭ الاخ معكوس..
وش رأيك في مدرجات ملعب الملز تدري ان قصدهم البرتقالة..
داما عبدالرحمن - جوي هشام - الرياض
- البرتقالة واليوسفندي وما بقي إلا (الترنج) والمانقا!!
[b]٭٭ الاخ معكوس..
- ليش دائماً جماهير الهلال أكثر من جماهير النصر.
وحيد سلطان - الرياض
- جماهير النصر موعودة يا(كأس) يا (دوري) ويمكن (البطولتين) خاصة بوجود المحترفين اللي يهبلون، وقادوا (الاتحاد) لكأس التضامن!![/b]
٭٭ الأخ معكوس المحترم..
يقولون أن الاتحاد السعودي يفكر باستبعاد نادي الهلال عن المشاركات في الدوري السعودي وترك الاندية الاخرى بالتنافس بسبب تشبع الزعيم من البطولات المحلية والخارجية..
عبدالله الحركان - حي الشفا
- تو الناس.. لا يصدقون اللاعبين والنهاية رابع الدوري والكأس!!
[b]٭٭ الأخ معكوس المحترم..
خلاص والله شبعنا بطولات لا نريد أي بطولة حرام الطمع يا هلال اتركهم هذا ما يقوله زعيم آسيا والعرب..
ابو صويان
- شبعت.. قل الحمد لله وعليك باللبن يمدحونه مع المندي؟![/b]
الأخ معكوس المحترم..
وش بقي يا هلال ما سويته بطولات، ابداع، جننتهم، جعلتهم يذرفون دموعاً وكذلك يستعيرون لاعبين لكن ما فاد بك يا هلال.
متعب الهلالي
- المشكلة اللي ذرف الدموع اللي من برا (الفريق) انت ما شفت (الخوجلي) شوي والا تجيه دوخة اذانيه
[b]٭٭ الاخ معكوس المحترم..
اكثر النصراويين احتفلوا بهدف محسن الحارثي في مرمى زعيم آسيا واعتبروا هدفه انجازاً عربياً..
مشعل الصيخان - حي الفلاح
- ولو الثقل زين خاصة أن المناسبة وطنية والمباراة (ودية) واللي شاركوا يشكرون مع التحية!![/b]
٭٭ الاخ معكوس..
انا أتمنى يا اخوي معكوس ان افهم جمهور جماهير العالمي وش رأيك..
فواز الحماد
- واضح افهم في (الصبر) الين الله يفرجها!!
[b]٭٭ الاخ معوكس..
وش رايك باللاعب النصراوي بندر تميم ما يذكرك باللاعب دنيلسون؟
علي الحسن - البديعة
- تميم يفرق عنه في (المهارة) والسرعة ما يرده الا لوحات الإعلانات!![/b]
٭٭ الأخ معكوس..
ما تلاحظ على اللاعب أحمد الدوخي في الهلال المستوى عالي في المنتخب نازل مستواه؟
طلال عبدالرحمن - الرياض
- أصبر عليه خل نهاية العقد تقرب وتشوفه على الهواء مباشرة!!
[b]٭٭ الأخ معكوس..
هل تتوقع تأهل المنتخب السعودي لنهائيات كأس العالم بألمانيا 2006؟
فارس عبدالرحمن الحربي - الرياض
- وليش لا بشرط يضبط (كالديرون) الخطة، والدفاع ما يخور مثل ما حصل قدام (اوزبكستان).[/b]
٭٭ حبيب الملايين معكوس.. تحية وبعد..
هل تتوقع أن يقود برج معوضة الرائد للفوز على الهلال اليوم وإعلان المفاجأة؟
احمد الفريجي - الرس
- ما أظن لو لعب جنبه برج مياه بريدة راس حربة ثاني!!
[b]يكتبها: معوكس
للوصول إلى معوكس
بعد كتابة «القسم الرياضي زاوية عواكيس» أتلقى مشاركاتكم على العناوين التالية.
البريد الالكتروني
sport@alriyadh-np.com
فاكس: 4871070
«خمسة خطوط»
الرياض: 11421 ص.ب 851[/b]