شاعر وقصيدة

الشاعر زامل الحميدي.. شاعر كبير أطلعت على قصيدة له في غاية الروعة والقوة وهو من الشعراء الذين لم يعطوا حقهم اعلامياً ولكن شعرهم سيبقى وستزول فقاعات الإعلام الفضائي . يقول زامل الحميدي:
ترى الجروح الله يعافينا قصاص
ياللي لغرات الاوادم تقنصون
بعض السوالف كنها ضرب الرصاص
لكن اهلها في المواقف يملصون
لا رحم ابوه اللي عن الميقاف حاص
واللي ليا عاهد لعهد ما يصون
واللي ليا استزهل وقال ارقد خلاص
واثره ما يخلص مع اللي يخلصون
هذا وشكاله منه ياجب الاحتراص
قبل يفر الناس لازم يحرصون
أمر حصل لكن يالله فالخلاص
من عالم دون الهقاوي ينقصون
حسب الصلاحة وحسب الاختصاص
راحوا على طبل الفشيلة يرقصون
ياما ذكرنا في الرخا صديق خاص
الاصدقاء وقت الرخاء ما يخصون
وان صار في الدعوى مشاكل واختباص
واحتاجت العين الدواء ما ينصون
وان صار في قلبي من الوقت انقراص
وجه البسيطة ما بقى بها حصون
وانا اشهد ان بعض العرب ما هم رخاص
لكن في حشمة لحانا يرخصون
وفنجال برية مع تمرة خلاص
للي لعهده كل ما عاهد يصون