على وجه الغروب وجوك الهادي تأمل يا وسيع العرف واذكر الأعوام

لحظة تأمل في بقايا هالاطلا
وين الربع في ماضيات السنيني
اللي بنو هالمجد في همة رجال
غصب(ن) عليه هلت الدمع عيني
الله من جيل مضى قبله أجيال
نفخر بهم في كل وقت(ن) وحيني
سليمان بن عبدالعزيز السنيدي - الرياض
يا شايب الرحمن وش فيك محتار
جالس على رجم طويل ومخطور
دنياك يا روحي تراء كلها أسرار
يعلم بها اللي خالق أنهار وبحور
إن كان همك دين يالله يا ستار
وإن كان همك حب فعز الله معذور
اصبر على حظك ولو صار ما صار
واضحك تراء منته على الحزن مجبور
خالد بن ناصر المخيمر - روضة سدير
سلام يا قصرٍ بناه الباني
هذا بيوت أجدودنا لوّلاتي
جدره حيودٍ كُلها صوّاني
يطيب للضيفان فيه المباتي
يا من به الساكن من العدواني
أيام كان الحرب والغزواتي
محمد عبدالله الشهري - مكة المكرمة
كِني على رجمٍ اِمْخدِّد.. إمْسيَّان
أرعى غياب الشمس والنزل تحتي
ويمناي واليسر وأمامي بعض حِصْيان
راحوا أهلها وباقيه لفها الصَّمتي
ويالله يا عالم بما في مِن شَانْ
العافيه والستر فوقي وتحتي
سعود عائش الحربي - جدة
على وجه الغروب وجوك الهادي
تأمل يا وسيع العرف واذكر الأعوام
هذا برج الرقابه يوم الزمن بادي
بنوه الي لهم مجدعريض طايل قدام
وفي جاله جلست وجنبك الوادي
وعلى أبواب الشتاء وهبت الأنسام
يغير حال يومك يجي وقت البرادي
تزين الجلسه وتسعد طول الأيام
حمد عبدالله الوايلي - حوطة سدير