صوت الصورة

ليه تاكلين الغنم يالضبعا العرجاء
اللي كليتيه واللي نابك يعضه
مسكين يالضبع لا مهرب ولا منجاء
خلوه عبرة لغيره من قشر حضه
ما حد فزعله ولا حصل على ملجأ
ماله جدا كود عقب الضربه الجضه
هميجان بن عبدالمحسن المقاطي
الرياض
وش بك محنط يا رفيق المكاشيت
يا تيس ياللي فوق الاغصان منشور
من شاف حالك قال هو حي او ميت
معذور من شكك في حالتك معذور
شيء يشتت فكر الانسان تشتيت
الله يفك بعض البهايم من الجور
خالد بن ناصر المخيمر
سدير
يا ذيب ياللي علقوك الرجاجيل
في طلحة وسط الشعيب معروفه
راع الحلال بخير عقب البهاذيل
سرحان روح ولا عليهم حسوفه
يومك على الرعيان جبت الغرابيل
تصطي يمينك كل طرفاً تشوفه
مهناء بن عبدالله الخزيم
يا ذيب يا اشهب يابو نيبان
قبل امس ماكولك تيوسي
ذبحتك اليوم يا سرحان
وجلدك دبغناه ملبوسي
ويا ذيب لا تقرب الرعيان
تربطك في الطلح منكوسي
عبدالعزيز الصالح - القصب
الذيب علق ولا أدري ويش الاسباب
ساعة تلقوه مثبتين المضاريب
علق برجله في الشجر وافي الناب
وحامة عليه امعكفات المخاليب
اسباب قتله خافين من ورا الباب
ما ثبتوا نوع الجريمة على الذيب
محمد مسفر القحطاني
يا ذيب شفنا صورتك بالخزامى
منكس رأسك ورام علابيك
معلق بالطلح صيد النشامى
صادوك يا ذيب الخلافي مرابيك
والنسر شافك بالسماء يوم حامي
شافك وعافك قال شبعان ما ابيك
علي غنام الغنام
الذيب وقت مضا معروفة اوقاته
انشد وتلقى علوم الذيب سرحاني
على البدو كل ليل يشن غاراته
بالغصب ياخذ عشاه بدون نقصاني
واليوم من بعد صولاته وجولاته
عانه في منظر حزين غصب بكاني
سلطان بن حمد الحبابي
الطائف
قول المثل حقك وما جاك يا ذيب
يوم انت ترثع بالغنم تالي الليل
رثعة فسق تزعل هل الجود والطيب
وحده فرسته والكثيرات تغويل
راعيهن المقهور خلاك تأديب
مذبوح وامعلق على الدرب تجفيل
فهد بن عقيل الطويان
بريدة
وين هيئة الحماية اللي تحمي
الحياة الفيطرية يا النشاما
صيد جاير والخطر من اللي يرمي
لو يصيب الآدمي يلقى النداما
لو كل منا قال هذا ما يهمي
ضاعت الثروة على الدنيا السلاما
سعود بن سعد الحافي
الرياض
النظافة تراها مطلب للجميع
ما خفاكم ولكن كيف هذا يصير
الفرح والسعادة في قدوم الربيع
لكن اللي نشوفه والله امر محير
شوهوا منظر في خضاره بديع
ذي رسالة وفيها وين راح الضمير
محمد بن عبدالعزيز الخنيفر
أشيقر
الضبع هاجم وجاه عقاب
في الغصن علق عراقيبه
وقف على الدرب بالشبّاب
في الراس بانت مضاريبه
عقب التمشي بروس هضاب
علّق والعج يوميبه
شبيب حمود القحطاني
في صفحة خزامى الصحارى نتوقي
لصوت الصورة والعدد فيه تشويق
اشوف لي صورة بهيمة سلوقي
راعيه حسر به وعلّقه تعليق
هو ما عرف ان فعلته ما تلوقي
وان الله عقابه كلاليب تحريق
يوجد من اسقى في نعاله سلوقي
والله بعد جازاه جنات تليق
صلاح عبدالله اليابس - رحيمة
يا ناس ذا سرحان من هو غدر فيه
من متّله بالطلح من بعد ما مات
عقب المعزة اشهب اللال جاء فيه
وعقب المغارة صار بالدرب منصات
ياما ركض بالبيد والجوع قافيه
وياما عوى بالليل في راس بانات
عبدالكريم النغيمشي - الربيعية
الخزامى تنشر اشياء ثمينة
دايماً تأتي بكل المعجباتي
عاش من علق الاسد حجت يمينه
قبل لا ياكل حلاله في المباتي
علقه بالغصن ثم دلى يدينه
عبرة للي بعد راعي هقواتي
مبارك محمد بن طرجم الضعاوين
وادي الدواسر - القرعة