فوق برج الساعه البرق شَلَّاع وفوق بيت الله بشرى للامطار

البرق يلمع فوق مكه لميعي
والحمد لله يوم صارت سلامات
مكه عزيزه في قلوب الجميعي
محروسةٍ من فوق سبع السماوات
والسيل جاها قبل فصل الربيعي
فالغيث جانا بالفرح و المسرات
واللي يحب البيت هذا طبيعي
حد الحرم يوجد له اربع علامات
محمد عبدالله الشهري- مكة المكرمة
البرق لاح وقوته شكلهاغير
رسمه عجيبه واضحه فوق
من الخيال لامع باين الخير
اهوا على الساعه ناره شعوق
والبيت بيته ولافيه تقصير
مجهز كامل على كل مرموق
في دولة تعمرلها فيه تقرير
والله يعز من حموها برفوق
حكامنا فيهم للعرف تبصير
ال سعود الي لهم عزماثوق
حمد عبدالله الوايلي - حوطة سدير
برق(ن) لمع ويتبعنه صواعق
حدر على مكه ونور سماها
وحين اقترب وصار فوق الشواهق
أخفاه ربي وفي ثواني حماها
سبحان من يبدع في خلق الطوارق
كنه رسمة نهرين ويجري ماها
صالح بن إبراهيم السنيدي الحرييق-الوشم
الله واكبر والسماء لونها غير
سود السحايب غطت اليوم فضاها
اقبل علينا سهيل و غرد به الطير
وفرحت به السعوديه ياسعد منهونصاها
البرق يلمع فوق ساعة مكة الخير
يازينها يا حلوها ياحي منهو بناها
تباشرو بالامطار ياربعنا في سدير
الله يديم عزك يامملكاتنا ويديم من حماها
خالد بن ناصر المخيمر- روضة سدير
فوق برج الساعه 00 البرق شَلَّاع
وفوق بيت الله00 بشرى للامطار
يا جعل من يرعاه جناتٍ اوساع
وبالخير بالدارين مِع طِيب الاذكار
ام القرى ياخير دارٍ بالاصقاع
في فضل ربي ثم وافين الاشبار
يالله يامِن للدُّعا دوم سَمَّاع
تحفظ وطنا او قادِته سِر وجهار
سعود عائش الحربي - جدة
نرحب بمشاركاتكم الشِّعرية،
وما تلتقطه عدساتكم من الصور الهادفة
والطريفة على إيميل الخزامى:
rb-khozama@alriyadh.com
صورة العدد