ياما حلا الجلسه على راس مشراف من قمّته يارا الجبال المنيفه

على سفح الجبال الشامخه فوق السحاب
نشوف المناظر باديه فاجمل التبصير
وما بين الطايف ومكه والهدا وهضاب
أماكن فيها الجمال مع روعة التصوير
وبلادي غلاها مبطي والعدو مرتاب
وأهلها كرام كلهم ما فيهم التقصير
وعسى الله يديم العز والجاه والأصحاب
وسجه مع المكشات تبدي لك التعبير
حمد عبدالله الوايلي - حوطة سدير
على راس ضلع غالي وسط القلوب
جلسة ما أحلاها وعسى الله يعيدها
مكشات يشوق العين بين غالي ومحبوب
يبونها طنخة راس والحياة لمن يريدها
لا صرت مع شخص تشمي وعليك محسوب
يشفيك بزود الوناسه وبالسواليف يزيدها
خالد ناصر المخيمر - روضة سدير
ياما حلا الجلسه على راس مشراف
من قمّته يارا الجبال المنيفه
في مجلسٍ ما راوده كل بلاف
الا الرجال الغانمه والشريفه
ما يعرفه غير الذي با القمم طاف
ممشاه في لشعاف ليست كليفه
محمد عبدالله الشهري - جدة
في جلسِةٍ كِنَّها فوق السَّحايِب
وكِلٍ بجواله يتابع للاحوال
بالخارج او حال أصحاب او قرايب
سِج القدم لا شَعَرْت بِضِيقة البال
تلقى دِيارٍ بَها كِل الاطايِب
سعود عائش الحربي -جدة
rb-khozama@alriyadh.com نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
صورة العدد السابق