صوت الصورة

تحت الجبل مبسوط والزل مفروش
والجيب جمبه والحطب تو مشبوب
يا محل المكشات في دو مرشوش
أرك الدلال الصفر والبيت منصوب
عبدالمحسن بن محمد المحيسن
رياض الخبراء
قرع الفناجيل الونيسه يحكاي
صوت الهوى والغيم ويحاكي الطير
النّار والدلّه يمين المراكي
والجيب واقف ينتظر جمعة الخير
هرج وقصيد وعلم والعلم واكي
تعليلةٍ تقدع معزّه وتقدير
محمد حنيف العنزي - الخفجي
يا صاحبي وين ربعك ما حدٍ يمّك
البرّ ماله طراةٍ دون خلانك
هذا صديقٍ.. وهذا من بني عمّك
في صحبة أهل المراجل تذهب أحزانك
وأفضل بعد لو تمشي بوالدك وأمّك
إكبار سنٍ وفيهم يثبت إحسانك
ناصر بن جمعان آل عوض – وادي الدواسر
مجلسك في ديرةٍ قفرن ومسيوله
فيها النفل.. والخزامى نابتٍ فيها
لاهبت الريح جت لرياح محموله
تقول طيب العذارا في ضواحيها
أخير من مجلسٍ.. وإبليس من حوله
هرجٍ يغث النفوس.. ولا يسليها
غنام مسعود القريني - نعام
ثلاثة عشر وألفين هذا مديله
جيب تايوتا جديد مشتراه
منوة الكشّات في أرضٍ مسيله
والخوي اللي على دينه هواه
بس حذرا صاحبي غيث المخيله
لا تراكم ثم خيّل في سماه
حمد عبدالله الوايلي - حوطة سدير
عند الجبال الشاهقة شب ناره
وحط المراكي.. فرشته والمعاميل
بيجون ربعٍ للسنافي زياره
في واديٍ بطحاه ماشي به السيل
سعود عبدالعزيز الهزاع - نعام
عز الله إنك يابن الأجواد غلطان
شيشه أساس الموت لو كنت داري
ما ظنتي تنفعك لو كنت زعلان
تزيدك همومٍ فوق همّك دماري
عبدالله بن عبود السهلي - تبوك
جيبٍ جديدٍ توّه واردٍ هالسنه
بإذن ربي ما تريّض يالسنادي
وحط سواقه جلسات امعينه
يحتري ربعٍ يجونه بالمعاديي
في ضفّ ملمومٍ وبرضٍ لينه
ونسايم البر العليل هلك تنادي
سعود عائش الحربي – القاهرة
مكشات تحت الضلع في وقت الأمطار
هذا المكان الزين شيٍ نشوفه
فرشه.. ومركى.. والمعاميل.. والنّار
نشمي يشب النّار.. يرقب ضيوفه
هذي حلاة الوقت لو صار .. ما صار
النفس تسعد لو تزيد الكلوفه
خالد بن ناصر المخيمر - روضة سدير
طبيعةٍ يا حلوها من طبيعه
النّار شبّت.. بعد فرش الزلالي
الكل يأتي.. والمماشي سريعه
يبغون كشته شوف صفر الدلالي
بشائر القحطاني - الرياض
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070
ونرحب بما تلتقطه عدساكم من الصور الطريفة والهادفة.. ويا هلا.