الله يعز الدوله ويعز حاميها حطت حمايه للضب وحذرت صيده

الضب رمزٍ من رموز الصحاري
لا عاش في حاره ولا عاش في دار
يا صايدينه في وضوح النهاري
ماكان لازم ذا فعلتوا وذا صار
شوفو لكم غيره في ارض البراري
ينقال للصياد ممنوع لو جار
محمد عبدالله الشهري - مكة المكرمة
اللي خذ اللقطه حريف(ن) وفنان
ضب(ن) رفع رأسه ويحمي صغيره
ما فكر بحياته لو ايش ماكان
همه عياله لو أيامه قصيره
يا راعي البندق حذاري من الضبان
غرامه وتصادر منك الذخيره
صالح بن إبراهيم السنيدي- الحرييق - الوشم
الضب من عالي المشراف
يسبر من بعيد من حوله
في وقفته ضامن(ن) ماخاف
ما دام في حماية الدوله
يرعى وهو ما عليه خلاف
وان شافه الناس ما جو له
سليمان بن عبدالعزيز السنيدي - الرياض
الله يعز الدوله ويعز حاميها
حطت حمايه للضب وحذرت صيده
صارت حماية البيئه تدور وسط اراضيها
وقامت تراقب كل منهو نوى تهديده
تفرح بتكاثر الضبان في براريها
تبي تنميه للحياة الفطريه وتعيده
يا ما حلا لحمة الضب لاصرت مسويها
تطير في راسك وتقوي الجسم وتفيده
خالد بن ناصر المخيمر - روضة سدير
ضب الخلا يعيش بين اللواهِيب
وشِح الموارد والعِدا.. رافعٍ راسه
مِع قِساوتها يراها.. أطاييب
معها تعايش واصبحت سِر باسِه
بِه مِن يحب اكله وبه مِن يِهيب
وبالسوق يِلقى بموسمه عند ناسه
سعود عائش الحربي
ما نيب خايف بس أحب الشمس ولظاها
حماني من الصيد بعد الله القوانين
قوانينٍ أرساها ولي العهد وحماها
وارتحنا من الجور وصيد المجانين
محمد السعيد - جلاجل
يا ضب جاك سهيل وابرد لك الجو
وطلعت من الكنه ومشتاق للبر
على الحجر شرفت ترقب عن النو
والضب الآخر مجاورك مونس الحر
منظر جميل وحزت عصير والضو
قبل المغيب وامن من هل الشر
حمد عبدالله الوايلي - حوطة سدير
رحب بمشاركاتكم الشِّعرية،
وما تلتقطه عدساتكم من الصور الهادفة
والطريفة على إيميل الخزامى:
rb-khozama@alriyadh.com
العدد السابق