الضب لا منه ظما يشرب النود الماء يعافه ما يجي وسط جوفه بالصيف متوفر وبالخبت موجود يا كثر ناسٍ بالبراري تحوفه نجدٍ ادياره وافتهم يا فتى الجود وفيه ربع ما تداني تشو فه على الرشيد - رياض الخبراء يا ضب مرباعك على فيضةٍ فوق أخاف تلقى راميٍ لك .. وصيّاد ويحطك الطبخه من القفر مرقوق وتصير عند الناس وجبه ومعتاد حتى بعضهم حطك بضاعة السوق وودّاك للي وسط الأسواق مرتاد تسمع حراج الناس في وسط صندوق راح النشاط وباديٍ فيك الاجهاد سليمان عبدالعزيز السنيدي - الرياض يا اليوسفي لا تعلّم الناس بالبر ترى مصير الضب واللي معه صيد ضبٍّ سمين مربع بروض اخضر خلّه على فاله يزيد المواليد جواً ربيع يبهج العين مزهر ما ضببوا به ناس وأهل البواريد يا ناس خلّو راعي البر يكثر مالك ومال اللي نزح عنكم بعيد سعود عبدالعزيز الهزاع - نعام بَحْلى فصول الوقت والبَر يا ضَبّ قِم تِجَوَّلْ وازدهر وارفع الرَّاسْ مير الحذر .. أخطار حولك تكالبّ كَمْ وَاحِدٍ يشتاق صيدك من النَّاسْ لَكْ بيئةٍ عندك جميله .. وتنحبّ صياهدٍ في نجد أزهار .. ووْناس عند البعض صيدك وطبختك مطلبّ ويباع لَكْ بالسوق احجام .. وأجناس أخشى على وجودك اليوم ينضبّ مِن طرق صيدٍ خاطيه دون إحساس سعود عائش الحربي - جدة الخير مقبل والبنادق ورانا ليت برقابه صارمه يتركونا نبي مجالٍ كود نلقى هنانا ياهل الحمايه افزعو ساعدونا محمد عبدالعزيز الخنيفر - أشيقر أهلا هلا يا مرحبا وألف ترحيب يا بو حمد ياللي لك الشوق كلّه على دخول الوسم وفراق اللواهيب وشوف السحاب اللي مطرها يهلّه شوقي على العكره مرقها إذا جيب له طعمةٍ من بين اللحم ما نملّه ياما تحملت الفشق .. والمشاعيب الله يجيب العشب وزين المشاريب خالد ناصر المخيمر - روضة سدير بين النبات وبين جواً خلاوي ضبٍّ من النعمه يبي بارد الجوّ وسط العشب تقول حرٍّ نداوي في مرتع علّه من الوسم والنوّ يمكن مكانه يم حزم الصداوي وإلا على ما قيل من دونها توّ ويالله تفكه من كثير البلاوي ناسٍ غداهم ناصبينه على ضوّ حمد عبدالله الوايلي - حوطة سدير أشوف لي ضبٍّ مفلّي .. وخايف الارض خضرا يأكل العشب جوعان محدٍ يلومه لاقي الخير كايف قام إيتدرّج بين ربله .. وحوذان ضبٍّ سمين حافه اليوم حايف انثي مكون واضح البطن مليان وان صاده الصياد ماهي حسايف أحدٍ يصيد وفيه فايز .. وخسران خليف فهيد الحربي - الرياض نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] صورة العدد
