لغز الجريدة وصلني واضح وصفه ثلاث مرايات ملزوم تراعيها

كان لغز الأسبوع من طرح الشاعر منير بن مذكر متعب العضياني والذي يقول:
ويش البنات الثلاث اللي لهن وقفه
على يمين أمهن واللي شماليها
والثالثه فوقهن في وزنها خفه
لازم فطين الذكاء دايم يراعيها
وقد كانت الرمعات أقل من المتوقع:
لغز الجريدة وصلني واضح وصفه
ثلاث مرايات ملزوم تراعيها
لا صرت بالخط ولا قابلك لفه
تكشف لك الخط والمركوب شايلها
محمد بن عبدالرحمن أبو دحيم - البدائع
خلك ذكي واحسب حسابك مع اللفه
ترى المرايه تغش اللي وثق فيها
لا من نويت السفر شف موترك صفه
خل البساتم تفاهم مع بواجيها
سعد صنهات السهلي - الدرعية
قريت لغز قوي نظمه أو وصفه
الحل يم الغمارة أو حواليها
هذي مرايات للوقفة وللفه
كم واحد في دروبه ما يخليها
على الرشيد - رياض الخبراء
مع العلم أنه وصل للقسم 37 حلا وكانت الرمعات تدور حول إشارات المرور وعقارب الساعة، ولكن حين تتمعن في اللغز تجد أن الحل لا ينطبق من خلال القرينة.
«لغز الأسبوع»
كتبه للصفحة الشاعر خليف فهيد الحربي من الرياض ويقول:
يا ويش ورع لايذ في مكانه
يشرب ولا ياكل من الزاد محروم
يكبر مع الايام عايش زمانه
ثم يتحول بنت شوم على شوم
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com