خط السجود الذي وقفت من اجله واسجد لاني على التطبيق مجبولي

كان لغز الاسبوع الماضي من طرح الشاعر محمد بن عبدالرحمن أو دحيم من البدائع ويقول:
انشد عن اللي إليا جيته توقف له
شكله يجي عرض ما شفناه بالطولي
ما هو صناعي ولا جبته من الحفله
يا الله عسى لغزنا دايم على البالي
وقد وصل للقسم 26 حلا، وكانت الرمعات الصحيحة فقط التالي:
خطن ترى داخل القران مامثله
لامن وصلته سجدت بذكر في قولي
من لا يعرفه ترى الواجب يوصفله
هذي ترا رمعتي واللغز مفتولي
سعد صنهات السهلي - الدرعية
قريت لغزك ونا مسرور من شكله
يوم الربوع الوعد تلقاه محلولي
خط السجود الذي وقفت من اجله
واسجد لاني على التطبيق مجبولي
علي الرشيد - رياض الخبراء
البارحه عن جميع الناس في غفله
سهران افكر بلغز حيل مفتولي
ولقيت حله بدون احد يوصف له
خط بسجده ولغزك صار محلولي
أحمد بن ناصر المحرج - الرياض
لغز الأسبوع
كتبه للصفحة الشاعر سعد صنهات السهلي من الدرعية، ويقول:
انشدك عن رجلاً صدوق بكلامه
وانته على كيفك تطيعه وتعصاه
كنه يعلم الغيب باللي امامه
قولن يقوله صح بالعين شفناه
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com