كان لغز الأسبوع الماضي للشاعر عيد فريح البادي من جبه، والذي يقول: يا ويش بنت بأربع أبراج مع حوض تصبر على الكاوي وكل يحبه مكانها عند الرجاجيل محفوظ تدور بالمجلس ليا صار شبّه والحلول كثيرة جداً لا نستطيع نشرها جميعاً، وإنما نختار منها ما كان إرساله خلال الأربعة أيام الأولى مع اعتذارنا لمن لم نستطع نشر حله لضيق المساحة: يا الله عساي برمعة اللغز محظوظ ويا محلا المجلاس برياض جبة أبشر بحل اللغز والغير مرفوض المبخرة والطيب كلن يحبه محمد بن عبدالرحمن أبو دحيم - البدائع حق علينا نرمع اللغز مفروض خص إلى جانا من أطراف جبه المبخره حله ترى الغير مرفوض ما فيه احد للمطايب يسبه علي الرشيد - رياض الخبراء وأيضا لا صرت برحلة ٍداخل الروض يشمه الأقصى يروح بمهبه المبخرة لوكنت بالحل محظوظ ومثل العلاج العود للنفس طبه عبدالكريم بن خزيّم - البكيرية اللغز محبوك وللحل معروض بيت على معنى موزون صبه المطيبة حله جدا سلم محفوظ ورث الجدود يا عيد كل ن يحبه صالح البشري - الرياض المجلس اللي دايم ابروقه اتنوض بالمرجلة والطيب محدٍ يسبّه والحلّ ما يحتاج من هو به ايخوض المبخرة بالمجلس اللي نطبّه سعد العجوني - الظهران تصبر على الحامي كما صبر ممروض وما هي غريبة عندكم ياهل جبة المدخنة ما غيرها شين يعوض العود الأزرق فوق جمرة نشبه سعد صنهات السهلي - الدرعية المدخنة من شالها قيل محظوظ له موقع بالقلب بين الأحبّه ومن يكرهه بين الرجاجيل مرفوض وسط المجالس مالقا إلا المسبّه محمد بن عبدالعزيز الخنيفر - أشيقر للضيف حقنً لو خذينا له اقروض غير الكرامة والسمن له نصبّه والمبخرة والعود واجب ومفروض وكلن عطاه الله من الريح هبّه عبدالمجيد عارف الرشيدي - الدمام ياعيد لغزك مالقي فيه ملحوض بعطيك حله يوم غيري نشبه المطيبة وجودها شي مفروض تسوق فيها الطيب للي تحبه منير بن مذكر متعب العضياني لغزٍ جميلٍ دون تعقيد او غموض وحله بغير المبخرة يالقرم كُبه وفي تالي المجلاس من قبل النهوض المبخرة بالعود دارت بالمحبه صفحة خزامى كنها بالشعر روض على المدى كلٍ نهل مِنِّه واحبه سعود عائش الحربي - جدة ونثراً محمد حمود محمد العصيمي - الرياض لغز الأسبوع كتبه للصفحة الشاعر منير بن مذكر متعب العضياني، ويقول: ويش البنات الثلاث اللي لهن وقفه على يمين أمهن واللي شماليها والثالثة فوقهن في وزنها خفه لازم فطين الذكاء دايم يراعيها نستقبل الرمعات والحلول خلال أربعة أيام من نشر اللغز على الإيميل: [email protected]
