بلف الكفر مافيه شكن ولاريب اللي سقى امه من عروقه ودمه

كتب لغز الأسبوع الماضي للصفحة الشاعر منير بن مذكر متعب العضياني، الذي يقول:
ياويش ورع(ن) منزله خطر وصعيب
في جنب عود(ن) شغلته يرفع أمه
يشبه لها في لونها ويفعل الطيب
فيها ويغذاها وسد المهمه
يامكثر أخوانه ولاكن بلاصيب
يااللي عرفت اللغز بالله سمه
وقد ورد على بريد الصفحة 63 حلا، ومع إعجاب الجميع على حبك هذا اللغز، إلا أنه لم يرمع الرمعة الصحيحة سوى:
يا مرحبا يا منير يا راعي الطيب
احد يصيب الحل واحد يزمه
هذا الكفر والبلف والجنط بالجيب
و البلف يغذي بالهواء بنت عمه
محمد بن عبد الرحمن أبو دحيم - البدائع
اهلا هلا عد النجوم المراقيب
بالشاعر اللي لغزه براس قمه
وحليت لغزك ياكريم الماجيب
البلف في جنب الكفر له مهمه
أحمد بن ناصر المحرج - الرياض
يا منير لغزك حاكمه حكم وصعيب
لغزك رفع ضغطى وياثقل دمه
قلنا الكفر والجنط جاهز اللتركيب
واللستك ان بنشر لزوم تذمه
سعد صنهات السهلي - الدرعية
يا منير مشكور عسى فالك الطيب
واللغز وارد بالجزاله نشمه
البلف جنب الجنط في زين ترتيب
من الهوا ياخذ ويعطيه لامه
علي الرشيد - رياض الخبراء
يامنير يابن الناس موف المطاليب
يا الطيب اللي معتلي كل قمه
ماكل رامي لارما رميه يصيب
والمدح للرجال ماهو مذمه
لغزك عرفته يا عطيب المظاريب
بلف الكفر والجنط دايم يضمه
سعود ثواب سليم المطيري - القصيم
اللغز وارد ماعلى اللغز تعقيب
بعطيك حله ياعسى مايزمه
ون كان ماصبته ترى مابهاعيب
ماهوب عيب ولارتكبنا مطمه
بلف الكفر مافيه شكن ولاريب
اللي سقى امه من عروقه ودمه
محمد بن ناهس العضياني
لغز الأسبوع
كتبه للصفحة الشاعر حميد محسن الصاعدي، ويقول:
بنشد اهل العرف عن رجال ينزله بديره
جيته للديره أضفت خير بالديره واهلها
ما معه رجال ثاني في فعوله يستشيره
له طريقه بالعمل واسلوب وجهوده بذلها
لين رد الي يجنب عن طريقه للمسيرة
والحمول الكايده من شالها هذا جملها
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com