دينمو للبطارية هي تموت وما يضره

كان لغز الأسبوع الماضي من طرح الشاعر حميد الحربي، الذي يقول:
وش عجوزٍ حيرتني وابعدوها عن ولدها
مالها الا هالولد قايم بها لله دره
الولد لو مات عنها مشكلتها آمر وأدها
هي تموت ولا يجيها منه لو مثقال ذره
والحلول الصحيحة من جملة الرمعات:
العجوز البطاريه ودينموه هو ولدها
هو ولدها ويغذيها والولد لله دره
كان طاب الورع طابت اشهد انه هو سندها
لا ولا لا تظلمونه حتى لو مثقال ذره
محمد بن عبد الرحمن - أبو دحيم - البدائع
‫
ياسلامي للخزامى كل فقرة في وعدها
لغز جيد كود حله ياصل ابوقته مقره
العجوز اللي ذكرته بطارية من بلدها
دينموه هو ولدها والحرارة ماتضره
علي الرشيد - رياض الخبراء
مرحبا ترحيبة جت في وعدها في وعدها
واللغوز اللي مثل هذا اللغز لله دره
دينمو للبطاريه كان شغل ياسعدها
وان ضعف يمكن تموت الام والكل انتقدها
أحمد بن ناصر المحرج - الرياض
ياحميد الفكر جاب أجابة اللغز ورصدها
أبشر أبشر باالاجابه ياعسى أيامك مسره
بطاريه حل لغزك ياالسنافي واعتمدها
تتصل باالدينمو والدينمو لله دره
منير بن مذكر متعب العضياني
العجوز اللي ذكرت وذي يغذيها ولدها
والولد الدينو سلفه الا جاها يفره
هى مهيب أمه فلا كن قايمه باقصى جهدها
ذيك بطارية الكهرب الا شغل تكره
سعد صنهات السهلي - الدرعية
كم عجوزن غربلتني واركونها عن ولدها
دينمو للبطاريه هي تموت ومايضره
الولد يغذي امه معتني به ماجحدها
هذا حلي يالبناخي كان حلى صاب دره
خليف فهيد الحربي - الرياض
لغز الأسبوع
كتبه للصفحة الشاعر منير بن مذكر متعب العضياني ويقول:
ياويش ورع(ن) منزله خطر وصعيب
في جنب عود(ن) شغلته يرفع أمه
يشبه لها في لونها ويفعل الطيب
فيها ويغذاها وسد المهمه
يامكثر أخوانه ولاكن بلاصيب
يااللي عرفت اللغز بالله سمه
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com