أسقيك من يمناي قاروة الميّ الفيض زايد والظما عارفينه

مع الزمن كل تطور بالاحوال
حتى النياق اليوم تشرب قوارير
مدري ترف والا تغير بالاجيال
الله يوفقنا على سيرة الخير
ما يعذر المخطي عن الحق لا مال
الواجب انا نضبط الوضع ونسير
علي الرشيد - رياض الخبراء
الحرّ كايد والعطش يجلب الموت
والوايت ابطا والمطر فات وقته
بالحق على حالي قبل فايت الفوت
واشرب من الصحه لذيذٍ وذقته
عزالله انه عندي اطعم من التوت
بارد يرد الروح من يوم شفته
يالله ترحمنا وتجلب لنا القوت
وتغيثنا من فضلك اللي خزنته
خالد ناصر المخيمر - روضة سدير
حب الاباعر مبطي عند اهلها
ومن الغلا فدوه لها واجد المال
البكره الصفرا ضماها شعلها
والمويه الصحه لها فالها فال
من كف صاحبها تروى نهلها
القيض حاديها ولا وادي سال
يالله تجيب الخير وتحي املها
ويزين جو البر وتزين الاحوال
حمد عبدالله الوايلي - حوطة سدير
يا زين شربه الماء في عز الظهيره
من يد ما نعدمها ولا يهون صاحبها
تروي ضما العطشان بعد طول المسيره
وترد الروح بعد الضغف لعيون شاربها
وجعل من سقاني تكفيه نار سعيره
وارحم من نوى و اقتدى بدرب فاعلها
عاصم المبطي - دبي
كل كبد رطبة بها إحسان
أجر من الله يجزيها
برشفة مياه تروي الضميان
ومنها عروقه تسقيها
والماء ثروة من الرحمن
حافظ عليها واحميها
صالح علي المبارك - حوطة سدير
المطيّة هالكه لا تتركوها
اسعفوها بالمياه اللي كثيره
البهيمه يالربع لا تهملوها
يا جماعة خير في حاله خطيره
لا تخلوها لزومٍ ترحموها
حالها يا ربعنا حاله عسيره
وين اهلها للاسف هم ضيعوها
مهمله لاذوادها ولاهي جديره
محمد عبدالعزيز الخنيفر - أشيقر
يا ناقتي حقك عليّ دامني حيّ
إن الظما والجوع ما تشتكينه
أسقك من يمناي قاروة الميّ
الفيض زايد والظما عارفينه
وياما جذبت الميّ لك من على الطيّ
وجلبت لك أحلى طعامٍ تبينه
هذي عطايا الله عزيزه عليّ
يوم الشدايد دورها مغدرينه
وللعيس حبٍ من جدودٍ ومن بي
من برّها برته والله يعينه
سعود عائش الحربي - جدة
يسقي ذلولٍه مويةٍ معدنيّه
يبرد عطشها من قوارير صحه
لك الاجر يومك سقيت المطيّه
بالعرض الاكبر تفاجئك فيه فرحه
الدين وصانا وسنة نبيّه
بسقيا المياه موضحٍ فيه شرحه
داوو مريضٍ من علل باطنيّه
وازع مياه ولا تراجع مصحه
سعود بن عبدالعزيز الهزاع - نعام
هذي بهيمه ولاتنهان
لاواهني فاعلين الخير
قارورة وافهموا ياخوان
هموا لها لايجي تقصير
تكفون ياربعنا الشجعان
يا فاعل الخير زيد الخير
الطيب هو طبعكم واحسان
الشي واضح بلا تفكير
ريان محمد الخنيفر
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
ويا هلا..
صورة العدد السابق
Your browser does not support the video tag.