معوكس

عمر السومة
*الدكتور معوكس بعد التحية والاحترام: وش تعليقك على الصراع الإعلامي على صدارة الجولة الأولى بين الأهلي والنصر؟
فهد الغانم - بريدة
* عقول فاضية كشفتها صدارة أول أسبوع.
* الأخ معوكس المحترم ما هي توقعاتك للدوري هالموسم ؟
ناصر الجريد - الرياض
* لا جديد بوجود "السومة" الأمور محسومة!!
*صديق الملايين معوكس الدوري توه بادي والمحللين شابين في الفرق واللاعبين وش تعليقك؟
سعود الحاضر - الطائف
* هذي شروط الاحتكار المخرج عاوز كذا!!
*الكابتن والناقد الكبير معكوس ما رأيك في التعديلات الجديدة لقانون كرة القدم؟
فهد العنزي
* العلم عند حكام أبو مهنا يعدلون ويبدلون على كيفهم.
*الاخ معوكس بعد التحية والاحترام شعارك دائما الصراحة من يتحمل ظهورنا الهزيل في "ريو2016" بالبرازيل ؟
محمد الانصاري - المدينة المنورة
* الخبر اليقين عند اللجنة الأولمبية بس مستحين يصرحون.
*معوكس المحترم: لو يعرضون عليك رئاسة اتحاد الكرة لمدة شهر وش القرار اللي بتصدره فوراً ومن دون تردد؟
راشد الدوسري - الخرج
* إبعاد أعضاء "البراشوت" وإقامة حفل تكريمي للجنتي الحكام والاحتراف ورئيس دوري الصالات.
*أبو العواكيس ما إنقهرت وأنت تشوف جميع دول العالم بمافيها الفقيرة جداً تتألق وتحقق الذهب في الألعاب الأولمبية بالبرازيل وش تعليقك؟
عبدالله العتيبي - شقراء
* مو إنقهرت شبيت نار وما نقول إلا كل المواعيد وهم.
* المستشار الإعلامي الكبير معوكس عندي تساؤل ما لقيت له جواب وقالو لي مالك إلا المستشار معوكس: ليش ما نجيب ميدالية في الألعاب الأولمبية مثل غيرنا وش ناقصنا الدراهم موجودة والكوادر موجودة واللاعبين موجودين؟
أحمد الحربي - الرياض
* غياب الفكر وحب المنصب مشكلة ياأحمد
*الأخ معوس المحترم: وش قصة الشركة الناقلة ماعندهم إلا المعلق بلال علام شابين عليه يعلق على جميع المباريات؟
ماجد العمر - الرياض
* يقولون كل ما غاب واحد حطوه بداله.
*معوكس المحترم وش تعليقك على هجوم النصراويين على النجم إبراهيم غالب عندما طالب بحقوقه ؟
موسى الناصر - الدمام
* النصراويون يهاجمون في كل جهة تسلالات الهلال من جهة وصدارة الأهلي من جهة وغالب بهذلهم!!
* أبو العواكيس المحترم بحكم خبرتك الرياضة الطويلة في الرياضة السعودية وش توقعاتك لمسيرة الكوتش سامي الجابر مع الشباب؟
خالد المطيري - المجمعة
* الذئب مايهرول عبث ويكفيه شهرته اللي غطت على شهرة الكل.
* الأخ معوكس بعد التحية والاحترام من كثر تنقلات لاعبينا وتغير ألوان بعض الفرق ما عاد نعرف الفرق إلا بعد نهاية المباراة؟
هشام القثامي - الخبر
-هذي نتيجة الاحتراف الأعوج اللي ضيع كرتنا وخلانا في الصف الأخير!!
*معوكس المحترم ما تلاحظ يوم ضغطوا على الأندية في الديون سددوا وش ذنب اللاعبين المحترفين اللي كانت رواتبهم متأخرة تسعة أشهر؟
خالد الزامل - عنيزة
* مشكلتنا في الإنزارات الأخيرة والجدولة.
*أبو العواكيس بعد التحية أنا أتوقع يكون الاتحاد بطل "دوري جميل" وش رايك؟
عابد الجهني - جدة
* يكفي "العميد" عودة الذهبي أحمد مسعود اللي كشف أصحاب الميزانية المفتوحة.
*الأخ معوكس وش رايك في تشكيلة "الأخضر" الأخيرة هل هي مثالية للتصفيات الحاسمة نحو منديال روسيا 2018
سيف اليامي - أبها
* الجود من الماجود مالك إلا خشمك لو كان عوج.
* العزيز معوكس ما الفرق بين هدف الهلال بالباطن والنصر بالنجوم.. نورنا أيها الخبير الرياضي.
راشد الدوسري -الخبر
* لا فرق فاللهم اللون فقط.
* الصديق معوكس من المقيم اللي يقول عنه صديقك "صياد" أنه تحول إلى حامل للمايك.. ظنك هذا بتاع كله؟
محمد الرشيد-الرياض
* هذا واحد شكله مطرود من "الدولية" وصياد كفشه بالمنصة.
* ممكن تكشف لنا يامعوكس اسم اللاعب اللي نكب ناديه بالسمسرة؟
فهد الحميد- الرياض
-واحد يبي «يغتنم» الفرصة قبل لا يحوس الطين صافيها.
مع تحيات معوكس وسلامتكم
للتواصل مع زاوية عواكيس
بريد إلكتروني sport@alriyadh.com
فاكس 4871070