عواكيس

*الأخ معوكس بعد التحية والاحترام ماتلاحظ ان الوسط الاعلامي في تراجع مخيف جداً والدليل سوالف «تخسى وتعقب» اللي ظهرت علينا في الفترة الماضية وش الحل من وجهة نظرك؟
فهد الحربي - المدينة المنورة
-ما فيه حل المشاهد وده يضحك ويرفه عن نفسه شوي بذا المهبل.
*أبو العواكيس المحترم باسم جماهير النصر أطلب منك حل قضية المدافع حسين عبدالغني مع المدرب زوران بشكل نهائي ماعاد نبي أبو عمر يغيب عن تشكيلة النصر.
ناصر الدوسري - الرياض
* محلولة ويمكن أمس شفته يدهر في الملعب.
*الدكتور العزيز معوكس لو عرض عليك تدخل في مجلس إدارة اتحاد كرة القدم القادم وش اللجنة التي بتصير رئيسها ولماذا؟
أحمد الخالدي - الدمام
* اللجنة اللي عندها انتدابات والنائب صديقي عبدالسلام الهليل .
* الأخ معوكس تحية لك من الاعماق انا أثق في رايك الفني ودائما ترشيحاتك تتحقق من تتوقع يكون بطل الدوري وبطل كأس ولي العهد وبطل كاس الملك؟
فارس المالكي -
الطائف
* ونسيت معها بطل آسيا!
*الغالي أبو العواكيس وش تتوقع لمدرب الهلال الجديد هل سيصلح ما أفسده المدرب السابق أم ان الوضع سيستمر؟
مطلق المطيري
* المجمعة
* العقد موسم ما يمديه يصلح ولا دباب!
*الأخ معوكس لك خالص تحياتي من تتوقع يفوز في مواجهة الهلال والشباب في كأس ولي العهد بعد غد الاثنين ولو انك هلالي من بتشجع الهلال والا المدرب سامي الجابر؟
محمد العجمي - الرس
* يفوز اللي يلعب احسن ويترك عنه الاستعراض.
*صديقي معوكس انا اتوقع بطل الدوري هالموسم يكون فريق مفأجاة للوسط الرياضي خصوصاً بعد هبوط المستوى الفني لجميع الفرق هل توافقني الراي؟
ماجد المقاطي - الرياض
* البطل اللي عنده مثل السومه يسجل وهو نايم والكورة تدوره وين ما كان!
*أبو العواكيس بعد التحية والتقدير لو أنك صاحب قرار ماهو قرارك بعد ظهور حلقات الكوميديا التي اساءت للوسط الرياضي؟
سعد القحطاني
* الرياض
* ارحم المشاهد واقفلها واوزع المتعصبين على درجات فرقهم!
*الحبيب معوكس مصادري تؤكد انك السمسار الرئيسي في صفقة التعاقد مع مدرب الهلال الجديد وش تعليقك؟
علي التميمي
* الخرج
-اصلا الجماعة ما تركوا فرصة لأحد اخذوا رقم جواله من النمبر بوك ودقوا عليه!
* أبو العواكيس جميع النقاد عطونا رأيهم في المنتخب ماعدى انت وش السالفة وليش ماعلقت على فوز «الأخضر»؟
بندر الحوشاني - بريدة
-عاد الا المنتخب اشوفه عال العال في كل شيء ودربه خضر!
*الدكتور معوكس تحية طيبة وبعد ما السر في خشونة مدافع الخليج المطرود من الاتحاد فيصل الخراع؟
محمد الشدي -الخبر
* السر انت قلته الطرد يسوي اكثر!
*قاهرهم وحابس دمهم ابو العواكيس بعد التحية والاحترام:
من يقصد رئيس النصر الأمير فيصل بن تركي عندما قال هناك من يهاجم ولم يدفع عشرة ريالات؟
عاشق العالمي ابو رامي-الرياض
-بصراحه ما ادري يمكن لو قال عشرين اعرف!
*استاذ النقد الساخر معوكس هل يعقل ان بعض من يسمون نقاد وكتاب زوايا تتغير ارائهم بتغير مسؤولي بعض المطبوعات او البرامج الرياضية؟
زايد العامر -الرياض
* وانت شايف يا بو عامر ان هالنوعية يسمون كتاب هذولا حدهم العزف على الناي والسمسمية.
*صاحب المليون رسالة ابو العواكيس اجمل تحية وبعد:
الا ترى ان المدرب التونسي جلال قادري تسبب في توتر لاعبي الخليج وشحنهم نفسيا وتعمدهم اللعب الخشن على اقدام ومفاصل لاعبي الهلال؟
مازن الدوسري- الدمام
* قادري تورط وقال اولم العصابة قبل الفلقة وفي الاخير راح فيها!
مع تحيات معوكس وسلامتكم
للتواصل مع زاوية عوكيس
بريد الكتروني sport@alryyadh.com
فاكس 4871070