عواكيس 22/2/208

@ الغالي معوكس بعد التحية ماذا تريد لجنة الانضباط من الهلال؟ ومن هو رئيسها الفعلي!
سعود العتيبي - الرياض
- والله ما ندري هو فيه لجنة انضباط وإلا لا.
@ مراحب ابو العواكيس كيفك حبيت أسألك وش الخلطات اللي تحط على شعرك وبشرتك؟ مرره تجنن.
شموخ الحربي - القصيم
- واضح يا شموخ إنك محتاجة عملية ليزر.
@ السلام عليكم الأخ معوكس سؤالي لماذا نادي الشباب مهضوم حقه اعلامياً؟
سليمان العتيق - الرياض (شبابي موت)
- وين مهضوم وخبر الاستضافة مولع الدنيا.
@ عزيزي معوكس أنا متابع زاويتك من عشر سنوات للأسف ان هناك من يتغنى بالحياد وهم من يغذي التعصب وزاويتك للأسف أحد النماذج أنت وعامود آخر الصيد واللي قاهرني إنك مسوي نفسك مافي غيرك فاهم في الرياضة ما أقول إلا الله يخلف على إعلامنا الرياضي أدري إنك راح تسوي نفسك بريء.. وفي الأخير رسالتي يا في سلة المهملات أو حجب الرسالة..
أخوك صياد الصيادين أبو نوره
- شكلك أبو نورة ا للي في المنتدى إياه
@ الأخ معوكس هل بينك وبين النصر عداوة لأني "ارا" انحيازك للهلال بشكل لافت رغم انك تكتب في جريدة للجميع.
متابع قديم أبو مهدي
- وأنا أرى إنك عبقري في "الإملاء" وتحتاج لدروس تقوية.
@ الأخ معوكس تقبل رأيي بكل رحابة صدر ياخوي أنت باهت وسوالفك ممله وردودك غبية مع احترامي لك وبما أنك ضامن زاوية في الجريدة دور على شي مفيد ومؤثر بدال ذا الخربطة والخربشة احترامي لشخصك.
سامي الزهراني
- عشان اسمك "سامي" بتجاوز عنك هذي المرة.
@ إلى الأخ المحترم معوكس: وش رايك في لعب عمر الغامدي بطئ والا سريع؟
مع تحيات اخوك: (ولد القويعية)
- نحول السؤال لهادي صوعان.
@ عزيزي الكاتب معوكس المحترم: وش رأيك برؤساء الأندية يسمعون بنظام الاحتراف والعقود وضيعوا لاعبيهم بلاش.
صديقك سلمان السنيدي
- أهم ميزة للترشح لرئاسة ناد أن تجيد صياغة "البيانات".
@ حبيبنا الملايين "معوكس" تحية طيبة وبعد: سؤالي ما رأيك بمستوى النصر من حيث أداء لاعبيه ثم إدارة وجهاز فني مقارنة بالزعيم في الدوري الحالي وما قبله بصراحة؟
سعود الذويخ - الرياض
- بصراحة يا سعود اسمك حفلة بدون "كيك".
@ العزيز معوكس
ما رأيك في "تسحيبة" ياسر لعبدالغني في هدف الفوز القاتل.
بدر المنيف - الرياض
- حسين ما كان يظن إن ياسر بيسويها خصوصاً بعد الهدية اللي قبل المباراة.
@ فاكهة الجمعة أبو العواكيس يوم بعد يوم يثبت مالك أنه متخصص في شباك الدعيع.
سامي أبو قميص - جدة
- اقول مالك لو كان خارج القائمة لا تستبعد انه يسجل في الهلال.
@ صديقي المحبوب ومطلوب الجماهير وش رأيك في حالة الهدوء التي تمر بها الساحة هذه الأيام.
سائر المطلق - جازان
- البركة في "الخواجات" اللي ما عندهم إلا العين الحمراء ويجيدون الكاراتيه.
@ إلى فاكهة الجمعة معوكس
بعد التحية والاحترام
هل يعقل ان يقول حكم لرئيس ناد "اطلع برا" ارجو تعليقك.
عبدالله السمران - الروضة
- معقولة ونص بس بشرط يكون لك ربع في المدرجات.
@ السيد معوكس
نلاحظ عليك في الأونة الأخيرة إنك "متنرفز" وردودك قاسية عسى ما شر.
صديقك - فيصل الخالد
- لأني كنت أبي أصير مثل رونالدو وعقب الإصابة الأخيرة وأنا احس ركبتي فيها بلا.