اللغز

ياللي بنيت اللغز من غير تقصير
انشهد انه من خبير (ن) وموصوف
يابن رشيد هذي الامانه ولك خير
ياسعد منهو حافظ السمع والشوف
فزاع عبدالله الشمري - حائل
سلام يا رشيد وصبحت بالخير
ياللي كتبت اللغز من جملة حروف
راعي (الامانه) بالوفاء حصل الخير
اليا حمى مال المساكين وضعوف
محمد الحربي - الرياض
لغزٍ قريته فالخزامى مع عصير
طرقه رهيب وواضح وكامل وصوف
هذي الأمانه صعبه وحملها غير
حمولةٍ صعبه تبي زنود وكتوف
احمد بن ناصر المحرج - الرياض
ما ينكتب للعبد ملزوم بصير
مذكور بالآيات ولابد مشيوف
اللي تبرى مقصده خوف تقصير
وترى الامانة حملها داخل الجوف
خليف بن فهيد المرواني - الرياض
من سورة الاحزاب نعطيك تفسير
بالظلم يالانسان والجهل موصوف
حمل الامانه لايجي فيه تقصير
تراك عند الله بالغد موقوف
شلاش بلال العنزي - الرياض
يا مرحبا بك عد ما غرد الطير
يا استاذنا الله يجيرك من الخوف
وحل لغزك الأمانة بتقرير
حمله ثقيل فوق الأمتان منسوف
علي السحيباني - الرياض
يامر حبابك عد مازار وسدير
واعداد مامر وعلى ديرة الجوف
الحل واضح مايبي زود تفكير
هذي الامانه مالكم حلف وحلوف
حمد عبدالله الوايلي - حوطة سدير
فسرت لغزك ياعلي خير تفسير
في سورة الأحزاب يقرا ومعروف
حمل الأمانه عبء مافيه تقصير
يكفي شرف نبينا كان موصوف
عبداللطيف الحُمَيَّانِي - عنيزة
لك عندي يا أبو رشيد حشمه وتقدير
لغزك وصل واللغز جيد ومعروف
مذكور بالآيات و ايضا التفاسير
هذي الأمانه شفتها سبعة حروف
محمد ابو دحيم - البدائع
يا أبو رشيد الحل في لزمته خير
والمبتعد عنّه مثل فاقد الشوف
هي الأمانه مابه رمعة غير
فيها طريق الحق والدرب مالوف
طلال الرشيد - الجبيل
يا مرحبا لك عندنا زود تقدير
يا مرحبا واللغز واضح ومعروف
الحل أمانه قلتها بعد تفكير
بعض البشر لا مره اللغز ما يطوف
راكان عبدالرحمن العريني - البدائع
اللغز وضحته ولا فيه تقصير
شفته على الصفحة وبه غيري يشوف
هذي أمانه له مكانه وتقدير
واللي حملها شخص بالجهل موصوف
فالح غازي الحربي - رياض الخبراء
ياناشدي عن اية حكمة وتدبير
يارشيد تر حق الامانات بالجوف
جوف الضماير ماهوب زود تبرير
حق الامانة تر بها دين ويشوف
سعود فريح العجل
يا أبو رشيد الله يمسيك بالخير
لغزك قريته واكتب الحل بحروف
حمل الأمانه صعب في كل تفسير
هي حل لغزك ما تبي شرح ووصوف
محمد ناصر العريني - رياض الخبراء
يابو رشيد لله يصبحك بلخير
لاغزك كشفته بان من خمسة احروف
هاذى الامانه ماتبي زود تفكير
اللغز وارد يابعد كل ملقوف
سعد صنهات السهلي - الدرعية
يا مرحبا بك عدما هلت عصير
من مدلهم خير والخير مشيوف
ترى الامانة ياعرب حملها غير
وماكل شخص يحمله صار به خوف
بسام الحربي - الرياض
يا علي ابن رشيد بالحل تذكير
آيات ربي نحفظه داخل الجوف
أمانة حملتها دون تقصير
وأنا أشهد إنك يا علي حايفه حوف
عبدالله الرفيعي - البكيرية
حليت لغزك يا علي دون تأخير
حله عرفته ما تعب الفكر والشوف
أمانة ما شالها سواج والنير
غير الأوادم من قويين وضعوف
غنام صالح مزيد الحربي - القصيم
يا مرحبا يا مسطر اللغز تسطير
يا مرحبا ترحيب مليون وولوف
وترى الامانة للبشر حملها غير
الله وصفها للمخاليق بوصوف
رتيبان مقعد السبيعي - المجمعة
لغز (ن) بَدعه المحترف للتفاكير
وحلِّه أمانه حسب ماني أشوف
أعيت ثلاثه بالذكر والتفاسير
وشالها الإنسان بالظلم موصوف
سعود عائش التميمي الحربي - جدة
الله يدبرنا على حسن تدبير
اللي على نوايا العبد مهديه ويشوف
هذي الأمانه حملها حكمه وتقدير
لا تخونها يا رجل وفي حملها روف
الله يقدرنا على حملها من غير تقصير
لا تشتكي منها وتقول حدثني ظروف
صالح يحيى محمد الهاجري - الرياض
اللغز واضح ياسمي دون تفكير
خله مغلف غير واضح ومكشوف
وترى الأمانه نحيا علي شانها غير
من خانها في غبة النار مقذوف
علي الزولاني الفيفي - بيشة
الفتاه اللي ذكرها شيخ المناعير
شاعر ولغزه بالجمال وافي الوصوف
هذيك الامانه انصح قولي والتعبير
عيا يحملها اثنين والثالث جبرته الضروف
مدعث عيد العبيدي
وعلى قافية اخرى
هي الأمآنة مرْكزه كلْ خآفوق
منَ اوَّل الْمخلوق الى تالي اقْصاه
بنت عبدالرحمن
ونثرا:
علي محمد سليمان العرف -الرياض
خلف بن عايد السّحّوم/ بريدة
علي الشايع - رياض الخبراء
لغز الاسبوع
يكتبه للصفحة الشاعر احمد بن ناصر المحرج من الرياض ويقول :
وش حلالن بيعه وأكله حلال
ونوب تحرم بيعته شي اكيد
طيب اطيب من الماء الزلال
ومن يغير هيئته رجل بليد
له فوائد واضحه مبطي جزال
عطني حله جعل لك راي سديد
نستقبل الحلول على البريد الالكتروني
rb-khozama@alriyadh.com
أو الفاكس 014871070
كما نرحب بطرح الألغاز الجيدة
وننوه بعدم المشاركة الازدواجية بين اللغز وصوت الصورة واختيار إحدى الزاوتين.