واسعد الله محفلا به جيت يا سمح القبالي

هذه القصيدة قالها الشاب الشاعر/ حاكم سعدي فواز العواجي
إهداء إلى مقام سيدي صاحب السمو الأمير/ عبدالله بن عبدالعزيز بن مساعد آل سعود وضيوفه الأعزاء حفظهم الله
مرحباً ترحيبة المشتاق من نفس رضية
عد ما حن السحاب وعد ما هل الهلالي
في مجي اللي فرحنا كلبونا في مجيه
باسم بوخالد هلا وحييت يا ضيف الشمالي
بارك الله في خطاك اللي على الخير دوميه
واسعد الله محفلا به جيت يا سمح القبالي
يا يمين الجود للمحتاج بالكف النديه
أنت يا سلطان يا سلطان سلطان المعالي
لك يقدم سيدي واهل الشمال أجمل تحيه
كللوها في عبير الورد تقدير وجلالي
من زماليق الخزاما بالشمال الجرهديه
وبحمار الديدحان اليا فرش جرد السهالي
في قدوك سطرت عذب المشاعر ملحميه
ونطحوك أهل المكارم بالمداخن ودلالي
يا عزيز النفس عندك عز نفس وغايريه
علموك المرجلة والطيب ماضين الفعالي
فارس الاسطبل الأزرق حاز شهرة عالمية
دونها تقصر طموح ورادت ابعاد المدالي
الشهامة طبع بوك وسلم جدك وأنت زيه
يا نزل عفن المبادي دايما مبداك عالي
المديح يواكب الأفعال ورجال الحميه
والجزالة والصخا والمد لكرام السبالي
والثنا يبقى مثل روس الجبال الشامخيه
ثابت وشهوده أكثر من عدد حب الرمالي
في فخر صقر الشمال مطوع النفس العصيه
مكرم الضيفان يا ضافوه من غال الحلالي
كن يوم البخل عنده أول اعياد الضحيه
الكرم يأخذ مقاسه من كرم صقر الشمالي
العذارى ما انجبن حلياه لو جابن سميه
وافقا عند النوايب مثل بوزيد الهلالي
حي أبو خالد ولد عبدالعزيز وحي حيه
الأمير اللي صعد للمجد في روس العوالي
القصايد ما توفي سيدي حقه عليه
ولله انه عالي قدره وهو بالحيل غالي
ما يضيق الصدر بالماجوب والدنيا فضيه
ولا يتصدى العاصفات النود من ركنه هيالي
الشمال اللي تحيي سيدي صبح وعشيه
عيطموس ما تعاشر غير صلفين العيالي
باسم أبو خالد تغنت عشق ذات وعاطفيه
وهو لها يرسي مثل ما ترسي شموخ الجبالي
الفخر ما جاه صفقة حظ والا مغامريه
درسه عبدالعزيز علوم قاسين الرجالي
لين جا حراً تخضع له حرار صيرميه
شامخ مثل الجبال الصم وركونه الظلالي
ان عطا من كفه أم الجود يا جزل العطيه
وأن وقف للمعضلات العنف تخضع له هزالي
عشت والله يا صليب الشور والنفس الزكيه
للشمال مغطيا خيرك مثل دهم الخيالي
جعل أبوك وبوسط ريضان الجنان الناعميه
جاب راس للفخر والعرف والنخوه مثالي
أنتم أهل المجد الأمثل بالعصور الأوليه
مدركينه فوق سرج الخيل وحدود السلالي
أسرة في معشر الحكام ما يوجد سويه
عند حد الله وحد الدار مكفوف الجدالي
أسرة آل سعود نعم الساس وصلاح الرعيه
من صناديد العرب يا ضاقت حلاق المحالي
عصرنا عصر التقدم ضد عصر الجاهليه
للعلا سرنا وعنا مظلم الجهل استزالي
في ظلال اللي عن الرمضا نجى في ظل فيه
حاكم سير جميع الشعب بالحكم العدالي
عاش أبو فيصل عسا الله يحفظه من كل سيه
والعضيد اللي على يمناه شيال الثقالي
أبو متعب سلمه ربي من سهوم المنيه
يا ثنا عن الصعاب وميل أطراف العقالي
السعودية غدت في حكمهم عذراء فتيه
تسحر العاشق بمنظرها ويزهاها الدلالي
بس دون حدودها الصاروخ هو والمدفعية
والرجال اللي على الشدات تدحم ما تبالي
والعمل دايم على ما قيل مقرونا بنيه
والنوايا الطيبة سمات وافين الخصالي
مثل أسامه بارك الله فيك خطواته وفيه
مجتهد في واجبه الله عليه الاتكالي
الوزير اللي الماجوب وقفاته جليه
في مديحه تردف القيفان والمدح استوالي
والسلام لحضرة الحضار مع أطيب تحيه
باسم أبو خالد هلا بقدوم ضيفان الشمالي