عز مجدك توالى

ياوطنا على اسمك نكتب اغلى كلام
نكتبه من قلوبا محتويها غلاك
يوم ذكرى وطنا في قلوب الأنام
فيه مجدا وعزا ما خطى به سواك
يوم جاك ابو تركي في يمينه حسام
حال دونك وردك من عدوا خذاك
ضم شرقك وغربك وانقذك من ظلام
وابعد الخوف عنك والجهل واحتواك
ما رحل لين خلا كل دارك تمام
مات وانتِ عزيزة في ذرا الله حماك
يرحم الله شجاع دون حكمة همام
باع روحه بكفة باعها واشتراك
صرتِ اليوم حرة يابلاد السلام
كل من جا وشافك ينبهر من حلاك
دار صقر الجزيرة ياعساها الغمام
سعد من عاش بارضك ويتلحف سماك
دارنا حبنا لك بالوفا والتمام
كل غالٍ لاجلك كلنا من فداك
عز مجدك توالى مع رجال كرام
كل واحد برايه والعزيمة بناك
- ريم الصحر