ملحمة وطنية للشعراء منتديات النخبة الادبية هدية للقوات السعودية المرابطه في الحدود الجنوبيه للوطن

تلقت صحيفة منطقة جازان الإخبارية " جازان نيوز" نسخة منها
ننشرها كما هي تقديرا لدور الشعراء في بث روح الحماسة لجنودنا البواسل .
هذه ملحمة وطنية للشعراء منتديات النخبة الادبية هدية للقوات السعودية المرابطه في الحدود الجنوبيه للوطن وسوف تنشر في عدة صحف لاحقاً وقد تم الاتفاق مع عدة منشدين معروفين للانشاد بها بعدة اللحان وفي بدايتها لحن العرضة السعودية وهذه المره الاولى التي تنشر فيها عن طريق صحيفة جيزان نيوز تقديرا لها ولما تقوم به من متابعة ونشر اخبار ابطالنا في الجبهة الاماميه
*********
سطروا يانخبة الشعر مجد الصامدين=واكتبوا للمجد تاريخهم طول الحياه
من عيون الشعر ننظم من الدر الثمين = لاجل الابطال البواسل حمى الدار وذراه
رابطوا في نصرة الحق ضد المعتدين=من مشاء في طاعة الله ماخيب رجاه
رفرفي ياراية العز للنصر المبين=والعدو المعتدي عندنا يلقا جزاه
يابلادي واصلي رغم كيد الحاسدين=يامنار الدين واطهر بلد والله حماه
تحت راية خادم البيت امام المسلمين= من نوا بالشر لحدودنا حنا عماه
كل ابونا ياوطنا هناك مرابطين = الصديق نصافحه والعدو نلعن ثواه
جاهزين للحرايب وبالله حازمين= كلنا في طاعة الله على من هو عصاه
ما نحن انفوسنا في جهاد الفاسقين = شبر واحد من بلدنا ياويل اللي وطاه
ارضنا واعراضنا دونها سيف سنين=ذودنا عالدار فرضٍ كما فرض الصلاه
قادمين بقوة الله رب العالمين=ولا نهاب الموت والحرب لادارت رحاه
ولعت نار الحرايب وحنا جاهزين = محزمٍ مليان من حد الاردن للسرا
ياوطنا دونك قروم شعب مخلصين=نارها نار لظيه على صدر العداه
كلنا فدوة وطنا يسار ومن يمين = تحت راية خادم البيت في كل اتجاه
دون قاعك ياوطنا ترانا صاملين=شوكتن في حلق من جاك لين يريق ماه
ودامنا من دون قاعك سناعيس وكمين=فوالله ان ياراية العز ما تغصب حماه
نجلب الأرواح دون الوطن ومغامرين=لادعانا داعي الحق لبينا نداه
جيشنا اللي دون حد الوطن حصنٍ حصين=في جنوب المملكه حطّم اعزوم الطغاه
واقفين معك ياجيشنا ومساندين=بالشعر وأرواحنا للوطن فدوة ثراه
نارنا وهجن يدمر مطامع بدر دين = من ثرى جيزان وحدود نجران ووراه
فدوة لارض الحرم ما نحسب الغاشمين = كلنا سورن يحاجيه ويحاجي رباه
نلطم العدوان لطم ٍ يسر الناظرين=بأشهب البارود نعميه وإنطيّح لواه
يشهد التاريخ والمجد من طول السنين=فعلنا مشهود والمجد شيدنا بناه
ماجهلنا في مناهج رياض الصالحين=من وفانا للعقيدة تطوعنا دعاه
دون ديرة ساطي الراس نسل الغانمين=نردع المخطي ونقمحه ويعيّن جزاه
من سما وارض وبحرفي المراقب شامخين =لين يعرف مستوانا ويعرف مستواه
والله انه ما تعذر سوا ابن الخاملين=والكفو سيف البلد لا بغا حدّه لقاه
هيه يا روسٍ بتفكير حلم الواهمين=فتحوا الانظار ما تنطح الثله حصاه
طبعكم معروف وحنا لكم متمكنين=لو تسللتوا مع الرجم ولا في الفلاه
ياجنود المملكه ياخزام العايلين=ادحروا راعي الخنا لين يرجع في خناه
وادهرو نار الحرايب وقاسيها يلين==واحفرو قبرن لبن حوث يوقد في حراه
بالذخاير والمدافع لهم متجهزين=دون حد بلادنا نرخص الروح وغلاه
ول يالحوثي لامذهب ولا مله ودين=ياعصابات التّخلف وقمة منتهاه
زمرة متمرده في الخفاء متسللين=انكشفتوا وانفضحتوا تحت كم العباه
والله انكم لو عملتوا كمين في كمين=مالكم ياهل الخيانه مفر ولا نجاه
ياصقور الجو حطو خنادقهم طحين =والنصر من عند ربي ومن عالي سماه
ولعي يانار في راس رجم العابثين=لين يصحا من فعوله ويرجع عن خطاه
يامقابيس الوغى اذكرو بدر وحنين=الوطن يرجي وفاكم ولايرجي سواه
والقبايل من وراكم جنود والمين = كل شيخن قد ذخرتوه جاهز برقباه
كلنا في خط واحد هنا ومقاتلين=من وراكم نحمي الدار لايغدر قفاه
ياجبل دخان والخوبه انتم سالمين= ابشروا باللي يثني لكم ثار الجناه
علمو عبدالملك علمو ابليس اللعين=الوطن دونه رجال وصناديد ودهاه
علمو الحوثي ترا للمعارك محتصين=غير يعرف كيف بيعه قبل يبداء شراه
قادرين بعون ربي عليهم قادرين=ما حسبنا له حساب ولا نحسب لاذاه
علموه إن جيشنا فالمعارك بارعين = السما والأرض تهتز من تحت الغزاه
بيض الله وجه من ساقها فوق الجبين = لين خلت كلبهم ميت فاتح جماه
ايه هذا فعلنا علمو اللي جاهلين = وبشرو ذئب الخلا لاسرى يلقى عشاه
انت يالحوثي نواياك شر وانت شين= ابشر بهفه كما هفت امقيط ورشاه
الوطن دونه ذياب لمثلك جائعين = وذيبنا لاشاف متمرد مثلك كلاه
يولد المولد مع فطرتة للوالدين = دمه السنه وقلبه كتاب الله قراه
الخلافه لاربعه لقبوا بالراشدين=وانت تلعن واحد ولاخر ادور رضاه
يكرمون اصحاب طه امام المرسلين= عنك ياذيل الروافض وياكلب الرعاه
والله ان حنا الرمد في عيون المفسدين =من تمنى عندنا فود يفشل مبتغاه
مالنا وارواحنا فدوة اولى القبلتين=يالله انك تنصر الدين وتقوي عراه
الله اللي مانح ٍ شعبنا دين مكين=والشجاعة في المعاركة اذا الواجب دعاه
في الحرايب ما قبلنا يكون بحاجتين=الشهاده والنصر دون شبر من ثراه
مجدنا تاريخ في كل وقت وكل حين= في صدارة صفحة المجد له وجهٍ وجاه
يا وطنا جعل يفداك كل الطامعين= وكل من ينويك بالشر نعرف ويش داه
بأمر ربي جل شانه وتوفيقه يبين=في وجيه أبطالنا اللي وهبهم من رضاه
موطني مهد الرساله بلاد الحرمين=من طمع لابد يندم على فعلٍ بغاه
ماحسبنا هرجة الفارسي يومه يدين=يوم خيبنا ظنونه وبعثرنا مناه
ظاق صدره من مقابيسنا وامسى غبين=بأن حد المملكه دونه السيف وشباه
مادرى ان حن ماخذين المعارك فرض عين=والشهاده مبتغانا على عز ونقاه
تحت بيرق خادم بيوت رب العالمين=الله ايحيي قواديه ويحيي نباه
لازهم في طارف الدار للمتطوعين=جاته احفاد الصحابه تلبي مبتغاه
نحمد الله بالقضاء والقدر حن مؤمنين=ومن رمته اسهومنا ربنا بأمره رماه
يكتب التاريخ بنّا رجال مجاهدين=الصحابة والنبي المشّرف والدعاه
وفي رضا الله جل شانه خضعنا ساجدين=ولا خضعنا الا لربي ولا نعبد سواه
مجدنا شامخ وحنا رجالٍ شامخين=مجدنا جور الزمن والله انه ما حناه
مانبي درب الخطاء والوفاء للطيبين = والمعادي للوطن كلنا نسحن دواه
ان وقفنا في المهمات وقفتنا تبين=كم عقيد من سببنا بكى فرقا ضناه
من زمان اُمات وحدة وعهد المارتين=انشدو زهوان والريث كم سالت دماه؟
وانشدو حرب الوديعه زمان فات وين=يوم راعي الدين يتعب ولا يلقى قضاه
ما تهاونا عن الدار وانتوا خابرين=عزتي له من تعنا ولا حصل هواه
بامر رب الكون . واحنا هنا متكاتفين=عن وطنا كل شي لاجل حبه فداه
مملكتنا دونها صامدين وعازمين = الردي يرجع ويلقاء على وجه رداه
يا وطنا ياوطنا وحنا حاضرين=والله انا ما نخليك يامال الغناه
لجل حبك ياوطنا ترانا ساهرين=يفرح الشايب لمنه فقد لاجلك نماه
فارح لاجل الشهاده مع اللي فارحين=ما طمع فيها سوا واحد ربي هداه
مملكتنا دونها شعبها ظلع متين= يشهد التاريخ لفعولها قبل الرواه
لا بدا لازمك تلقى جنودك واقفين=ان تبينا جو والا تبينا في المشاه
والله انا مانهينك وحبك في الوتين=لو يجينا الموت بنموت مانوفي غلاه
بشرو صقر العروبه ونائبه الامين = الوطن حاميه ربٍ تعالى في علاه
شعب واحد صف واحد ولا نقبل ثنين = تحت راية دين الاسلام للعليا رقاه
سارعت للمجد في نهج دين المتقين=في بلد وحي الرساله على خير انبياه
عزنا الله واحتمانا على خير اليقين=دولة بالعدل تحكم على شرع وقضاه
مايهز اركانها راعي الحقد الدفين=رميها لو طوول الحرب مايقصر مداه
عندها من فضل ربي عليهم قوتين=قوة الايمان واسلاحها يطحن صفاه
صيتها بين الدول في مصف الاولين=بالتقدم والحضارة ولفت الانتباه
قبلة الاسلام فيها وامان الخايفين=ما يضيع الحق فيها ليا حيٍ خذاه
الدول تمشي على رايها في كل حين=من وطت رجله ثراها لقى اللي ما لقاه
تئمن الخايف وتشبع بطون الجائعين=واهلها تصرف على المستحقين الزكاه
والتكاتف والمحبه وحب الحاكمين=والقيادة تكره الظلم وتحب التقاه
والملك والشعب في رايهم متفاهمين=والهدف والراي شورٍ على التقوى بناه
في اللتفافت الشعب حول القيادة خصلتين=تقهر العدوان والشعب تستر اصدقاه
وللملحمة بقية
عنهم الشاعر/مضواح بن شتوي والشاعر /سعيد ابو ديه
منتديات النخبة الادبية
http://www.w909w.com/vb/index.php
وهذا رابطين الملحمة
الاول
http://www.w909w.com/vb/showthread.php?t=578
الرابط الثاني
http://www.w909w.com/vb/showthread.php?t=638&page=2