نشر قصائد الشعراء ( حزام الجعيد - فهد بن حميد - رامي العتيبي - صالح الهذلي - خالد بن علي - عبدالمجيد الثبيتي - سلطان العتيبي ) بمناسبة اليوم الوطني ...وباب المشاركه مفتوح

عندما تتحرك مشاعرنا وتنجذب نفوسنا ليوم التوحيد , وبهذه المناسبه الغاليه على كل شخص ينتمي لهذا الوطن العزيز يسر صحيفة الطائف أن تشارك الوطن فرحته وتفتح باب المشاركه لأبناء الوطن من الشعراء بالمشاركه بقصائدهم وذلك وفق الشروط التالية:
1- أن لاتقل الأبيات عن خمسة ولاتزيد عن أربعون .
2- يتم إرسال القصائد + صورة الشاعر (إن أمكن) إلى البريد الإلكتروني
taif-news@hotmail.com
الشاعر / حزام الجعيد
على الله بطرق أبواب القريحه واذكر الرحمان = وأمرر بصمتي فوق الورق..والنيه النيه
وأحضر هاجسي وأعوذ بالله من خناء الشيطان = مدام الشعر صارت وقفته وقفه ضروريه
واسج بمهرتي قدم النواظر داخل الميدان = تحصد الفوز فأول شوط لا هاذي ولا ذيه
صحيح أن القصيد أبداع..وجزال العلوم سمان = كذلك فكرة الشاعر بكر ماهيب عاريه
وانا قافي حصرته في مزايا خيرة الأوطان = حصرته للوطن كله وحكام السعوديه
حصرته للوطن مهد..النبوه مهبط القرأن = وفيه أخر رسالة وحي الأديان السماويه
وطنا قبلةً للمسلمين فسائر البلدان = تشد له الرحال العوص والحكمة إلهية
وطنا في ثراه مقدسات الدين والإيمان = وطنا اللي غلاه يسير وسط عروقنا الحيه
وطنا اللي حضنا وأحتضنا يوم كان وكان = بدى مانوفي حقوقه ولانجازيه بالسيه
وطنا مالنا قيمة بدونه لو نعيش أزمان = وطنا ماعلى وجه الخريطه موطناً زيه
وطنا في ذرى من يحتمونه من غثاء العدوان = سلاطين الرجال أهل السياسه والشهاميه
تحت ظل المليك أبن الإمام العادل الإنسان = أبو متعب زعيم الشعب وقت السلم والهيه
صعد بالمملكة صقر العروبه وأحكم الميزان = وثبٌت مركزه بين القيادات السياسيه
خدم بيت الله وبيت النبي وأصل الكريم معان = اله من كل مسلم دعوةً فالغيب سريه
أخو نوره خدم شعبه من أصغر طفل للشيبان = وعينه للضمان يزوده فالعيد عيديه
تحزم ثم شن الحرب ضد الفقر للفقران = وصار الشعب كله من بعد حربه غناويه
واله مشهد على التلفاز هز العقل والوجدان = مسح دمع اليتيم ودمعته فالخد مرئيه
وأبو خالد عضيده عاش راسه حامي الحدان = ولي العهد..وافي الوعد..شمس الدار والفيه
وزير الجيش لامن ولعت بين الدول نيران = يقود الجيش بالحكمة على المخطي علانيه
ونايف قائد الأمن السعودي قامع الطغيان = قوي الباس..أصوك راس..لاهبت شماليه
يسود الأمن في ظله وزير الأمن عال الشان = يحارب زمرة الإرهاب والحنكة قتاليه
هنا بسمي وبسم معربين الأصل والجدان = الاد جعيد من برقا وعزوتنا عتيبيه
نوقف صف ونجدد ولانا بالفم المليان = ولانا للوطن وأخوان نوره يشتعل ضيه
ولانا ماتمثله القصائد داخل الديوان = لوأن أبياتها من كل شاعر تسرد ألفيه
ولانا وأنشدوا عنه ضواحي منطقة جيزان = نهار المعتدي شب الحرايب فالجنوبيه
تحزمنا بعد ماصاح فينا وأنتخى دخان = وسقنا رقابنا ودمينا للوطن ديٌه
وأنا من دار أبوي ودار جدي من سماء شقصان = أجدد بيعتي لأخوان نوره..والسعوديه
وعلى الله بقفل أبواب القريحه وأشكر الرحمان = وهذي بصمتي فوق الورق..والنيه النيه
الشاعر / فهد بن حميد العتيبي
جيت اهلا مرحبا يا يوم توحيد ورياده = يوم غالي لشعب غالي فيه تجديد التعاضد
يوم بدء النهضه الي كلها عزم وإراده = لين صرنا قدوةٍ للي يبي نيل المقاصد
كيف مااسميه عيدٍ والبشر فيه بسعاده = والفرح عندي وعندك عند كل الشعب واحد
وش فرحنا غير جمعتنا بوطنا والقياده = تحت أمرة حاكمٍ يسوى من الحكام واجد
في مثل هاليوم ذكرى ذكرها خير وإفاده = كنزها لولا التلاحم ما أمنا بالمساجد
ما رغدنا ما هنى فالنوم من ضم الوساده = من بنا للعلم دار ولا فخرنا بالمعاهد
والختام ادعي إلهي ناصرٍ أهل العباده = يحفظ بلاد العقيده من حسد في كل حاسد
الشاعر/ رامي العتيبي
عاد عيدك ياوطنا ياعسى افراحك تدوم = عشت والانجاز دايم تعتلي فوق السحاب
اهلك اهل العرف واسلوب وتعاليم وسلوم = في ذرى من يحمي الموقف ولاطاع الصعاب
قايد محنك خوي العرف والامر محسوم = هاك ابو متعب زعيم العرب مهيوب الجناب
عشت ياموطن هل التوحيد ماانته ب مهزوم = عشت نبراس الحياة وعشت في وسع ورحاب
ومن نوى بالغدر يبشر يبشر بفرك الخشوم = موطني دونه رجال(ن)ترخص اسواق الرقاب
الشاعر/صالح الفياني الهذلي
كل عام ومملكتنا بخير= في ذرى ابو متعب وسلطان
خيرهم دايم علينا وفير= يا رب تحفظهم لنا يا رحمان
قدرهم في قلوبنا دايم كبير= ما يلحقه ويوصله اي انسان
يكفي اللي تحقق في وقتنا الآخير= من مشاريعٍ ونهضه و عمران
دايم يديهم تقدم كل خير= لكل مسكينٍ ومحتاج وفقران
وامننا في وقت الشدايد عسير= ويدحر الإرهااب والعدوان
وختامها صلوا على الهادي البشير= اللي مُنزل بأفضل الأديان
الشاعر/ خالد بن علي
حنا ترى والمجد اخوان وأنساب = يعني كذا بالمختصر في قرابه
لا من طرى للمجد تاريخ وكتاب = لاحت لأسامينا ديارٍ ولابه
دايم تلاقينا على مر الأحقاب = شمسٍ نذّهب كل سطور الكتابه
محدٍ ينازعنا على العز بأسباب = إنّا خلقنا له وطن ينتخى به
إيفز لنا العالم بتقدير وحساب = يوقف على بعضه منيّخ حرابه
ننغر تواضع دون نخضع أو نهاب = نجمع شموخ الكون لنّا مآبه
نعشق ميادين العلا عشق الأحباب = نجلس على صدر المحال وصعابه
ساعة حضرنا نرتقي فوق الأطياب = نرفع معانا القوم حد السحابه
نذكر كما نجوم السمى دوم بإعجاب = حتى العدو يفخر بنا في خطابه
لا ما ورثنا المجد عن جد وأقراب = ياما سقينا الأرض دمٍ زكا به
وديارنا بكرٍ عفيفة وأتراب = أنقى تفاصيل النقى في شوابه
أرضٍ تجمّل بالطهر سهل وهضاب = وشح معالمها بياضٍ غدا به
يرسم مفاتنها على كل مرقاب = ما ظل وصفٍ ما تغزل صبابه
عشّاقها أكثر ملايين خطاب = في كل سنه تحلى بحسن ورَحابه
نحضن شرف مهد الرسالة ومحراب = أعظم بيوت الله بمكة وطابه
قبلة قلوب الناس أرواح وأرباب = بيت الرسول ومسجده والصحابة
يامفخر التاريخ يكفيه لو جاب = إن السعودي ينذكر في نصابه
الشاعر/ عبدالمجيد الثبيتي
بديت بدايت الاسلام والتسليم نبدابه = على خادم بيوت الله والاسلام شرع له
سلام الله على شعبً على العدوان حرابه = على سنه نبي قلتها بالشرع والمله
ابارك ثم اشارك والكلام الزين جينابه = سعودي يرفع الراية ودرب العز يدله
زهمت الشعر والشعار للمقصود كتابه = على شان الوطن نرخص له الاثمان ونقله
فداك الشعر واللي يكتبه والحر غنابه = عسى تقبل تهاني واحد مايقبل الزله
واختم بالكلام اللي جزيل الشعر يزهابة = بيوتً قلتها واللي عقد له حبلً يحله
الشاعر/سلطان العتيبي
تناثري ورد يالطآئف بذكرى وطن = طال الشموخ على بيدآءه ب سعوودي
من صيحة الحق .. سحقا للجهل والفتن = انباج نور الهدى برجاء وحدودي
واسترسل العلم يصدح مع مرور الزمن = مثل المطر يحي الميت من العودي
بقيآدة المجد عم العدل كل المدن = مآضآم رآس(ن) واخو نوره ب موجودي
سآد الجزيره آمان وسآدناآ بالامن = والخير حآتم ( وفآ ) للشعب ويجودي
حتى الغريب بآمأنه في وطنآ ضمن = في ظل حكم الملك يبشر بهآ زودي
عبد الله العطف والاحسآن معه اقترن = واثراء غلاه وفاءه الطفل والعودي
نهضه وتطوير واسترسى بأغلى ثمن = رفرف بهآ موطن ٍ للمجد منشودي
وعنايته ل طهر الابقأع دوور وحضن = لفتة نظر ( كون) محترمه ل مجهودي
الحمد لله موآطن بس بآآغلى وطن = بالخير والامن ؛ غصبآ اكوون محسودي
لاوقف العز والامجآد في ذآ الزمن = صحت بزمآن سعوودي فخر يآسعوودي